Avsnitt
-
Við heimsækjum Guðmund Fertram Sigurjónsson, stofnanda og forstjóra Kerecis, á Ísafjörð í aðdraganda fundar sem haldinn er á vegum Innviðafélags Vestfjarða. Rætt er um stöðuna á Kerecis eftir söluna í fyrra, verðmætasköpun á landsbyggðinni, mikilvægi þess að treysta samgöngur og aðra innviði og margt fleira.
Myndina á forsíðu þáttarins tók Eyþór Árnason fyrir Viðskiptablaðið.
-
Sigurður Hannesson og Björn Ingi Hrafnsson ræða um viðhorf stjórnmálaflokkanna til atvinnulífsins, hvað hefur borið á góma í kosningabaráttunni sem snýr að atvinnulífinu og fleira. Við förum yfir það helsta sem kom fram á fundi Samtaka iðnaðarins með formönnum flokkanna sem haldinn var í vikunni, umræðu um orkuframleiðslu, skatta, skipulagsmál og margt fleira. Þá er rætt um hið svonefnda ehf-gat sem sumir stjórnmálamenn telja sig þurfa að fylla, hvaða þýðingu kjör á nýjum forseta í Bandaríkjunum hefur fyrir Ísland og margt fleira.
-
Saknas det avsnitt?
-
Björn Berg Gunnarsson fjármálaráðgjafi ræðir um nokkur atriði sem brenna nú á fólki hvað varðar heimilisbókhaldið, endurfjármögnun lána, einkaneyslu í verðbólgu, aðgengi að húsnæðismarkaði, kauphegðun á tilboðsdögum, hvort að tekjuskattskerfið sé til þess fallið að draga úr áhuga fólks að vinna og margt fleira.
-
Andrea Sigurðardóttir og Þórður Gunnarsson ræða um allt það helsta á vettvangi stjórnmálanna, hvernig fylgi flokka er að þróast, hvernig kosningabaráttan er háð, deilur innan Samfylkingarinnar, hvaða áhrif niðurstöður kosninga hafa á fjármál stjórnmálaflokkanna og margt fleira. Þá er greint frá nýrri könnun sem unnin var fyrir Þjóðmál, þar sem spurt var um afstöðu fólks til þess að Dagur B. Eggertsson, fv. borgarstjóri, tæki sæti ofarlega á lista Samfylkingarinnar.
-
Hermann Nökkvi Gunnarsson, blaðamaður á Morgunblaðinu, ræðir um allt það helsta sem snýr að bandarísku forsetakosningunum sem fara fram í næstu viku, af hverju fylgi frambjóðenda hefur þróast með þeim hætti sem nú er, hvernig kosningabaráttan hefur verið, hvað hefur komið á óvart, hverjar áherslurnar eru, hvaða þjóðfélagshópar styðja hvern og margt fleira.
-
Eldur Ólafsson, forstjóri og stofnandi Amaroq Minerals, og Heiðar Guðjónsson, hagfræðingur og fjárfestir, fjalla um orkunýtingu, þörfina á aukinni orkuframleiðslu, samhengi orkunýtingu og lífskjara, áskoranir sem bæði Íslandi og heimurinn allur standa frammi fyrir, nýtingu málma og margt fleira sem snýr að orku og auðlindarmálum. Þá er fjallað um nýafstaðinn málfund Þjóðmála um sama erindi sem haldinn var í síðustu viku.
-
Hörður Ægisson og Örn Arnarson fara yfir allt það helsta sem er að gerast í viðskiptalífinu og stjórnmálunum. Rætt er um vandræði Controlant, þungan rekstur Play, uppgjör bankanna, dyggðarskreytingu LSR, fordæmalausa húsleit vegna bílalúguapóteka, ný nöfn sem eru að koma fram í pólitíkinni og margt fleira.
-
Andrés Magnússon fer yfir allt það helsta sem er að eiga sér stað á vettvangi stjórnmálanna þessa dagana. Hvernig kosningabaráttan mun þróast, hvort eitthvað hafi komið á óvart enn sem komið er, hvernig raðast á lista og hvaða aðferðum er beitt til þess, hvaða þingmenn eru að kveðja og hvort að ný nöfn muni vekja athygli, hvernig fylgi flokkanna kann að þróast og margt fleira.
-
Upptaka frá Kosninga-Bjórkvöldi Þjóðmála sem fram fór á Kringlukránni 16. október. Örn Arnarson, Þórður Gunnarsson, Björn Ingi Hrafnsson og Stefán Einar Stefánsson fara yfir stöðuna, hvort og þá hvaða áhrif komandi kosningar hafa á efnahagsmálin og mögulegt vaxtalækkunarferli, umræðu um skattamál, hvaða mál verða helst á dagskrá í kosningabaráttunni, stjórnarslitin og atburði síðustu daga, hvaða nýju nöfn við munum mögulega sjá á framboðslistum næstu daga og margt fleira.
-
Ríkisstjórnin er sprungin aðeins viku eftir að Svandís Svavarsdóttir tekur við formennsku í VG. Andrés Magnússon og Björn Ingi Hrafnsson fara yfir atburði dagsins, kosningabaráttuna sem er framundan, stöðu flokkanna, þau hjaðningavíg sem kunna að eiga sér stað innan einstakra flokka og margt annað sem snýr að stjórnarslitum og komandi kosningum.
-
Björn Ingi Hrafnsson og Stefán Einar Stefánsson fara yfir stöðu ríkisstjórnarinnar sem virðist komin á endastöð. Við veltum vöngum yfir því sem kann að eiga sér stað næstu daga, af hverju staðan er orðin með þessum hætti, hvort og þá hvaða flokkar eru tilbúnir í kosningar, þingmenn sem virðast á útleið og margt annað sem snýr að stjórnmálunum.
-
Albert Jónsson, sérfræðingur í alþjóðastjórnmálum og fv. sendiherra, fer yfir stöðuna fyrir botni Miðjarahafs nú þegar ár er liðið frá árás hryðjuverkasamtakanna Hamas á Ísrael, hvernig mál hafa þróast á árinu sem liðið er, hvað kunni að vera framundan og hvaða áhrif þetta hefur á alþjóðakerfin. Þá er einnig farið yfir stöðuna á innrás Rússa inn í Úkraínu, veika stöðu Úkraínumanna, hvernig stuðningur vesturlanda á eftir að þróast, komandi forsetakosningar í Bandaríkjunum og fleira. Loks er rætt skuldbindingar Íslands í loftslagsmálum sem Albert hefur fjallað nokkuð um á liðnum mánuðum.
-
Hörður Ægisson og Stefán Einar Stefánsson ræða um stýrivaxtalækkun Seðlabankans, hvaða áhrif hún hefur og hvernig næstu skref gætu litið út, um ágreining innan peningastefnunefndar, undarlegan upplýsingafund og margt fleira. Þá er rætt um hegðun lífeyrissjóða vegna netverslunar með áfengi, nýtt frumvarp sem hefur verið lagt fram í þeim efnum, ráðgjafa sem maka krókinn vegna nýrra reglna um sjálfbærniskýrslur, fréttir Rúv um látna menn sem eru ríkismiðlinum ekki þóknanlegir, hugmyndir um bann við auglýsingum og margt fleira.
-
Andrés Magnússon og Björn Ingi Hrafnsson ræða um stöðuna í stjórnmálunum, ný andlit sem hafa litið dagsins ljós í vettvangi stjórnmálanna, nýjasta Þjóðarpúlsinn og hvaða áhrif breytingar á fylgi flokkanna geta haft, hvernig ríkisstjórnarsamstarfið mun þróast, hvers vænta megi næstu vikur og fleira. Þá er rætt um flugskeytaárás Írana á Ísrael sem átti sér stað á meðan upptöku þáttarins stóð.
-
Við heimsækjum gagnver Borealis á Blönduósi og tökum stöðuna á fyrirhugaðri stækkun þar á bæ. Hörður Ægisson og Þórður Gunnarsson ræða um uppbyggingu gagnavera hér á landi, hvaða þýðingu þessi starfsemi hefur í hagkerfinu og þar fram eftir götunum. Í því samhengi ræðum við um orkumál og nauðsyn þess að framleiða meiri orku hér á landi, þær orkuskerðingar sem eru yfirvofandi og hvaða áhrif þær hafa. Þá er einnig fjallað um samkeppni á bankamarkaði, ákvörðun bankanna um að hækka vexti, stöðuna í stjórnmálunum og margt fleira.
-
Jóhannes Þór Skúlason, framkvæmdastjóri Samtaka ferðaþjónustunnar, ræðir um stöðu þessarar mikilvægu atvinnugreinar, ummæli stjórnmálamanna sem vilja leggja aukna skatta á greinina eða koma böndum á hana, vöxt hennar og vaxtaverki, það hvort að menn hafi lært eitthvað af örum vexti hennar fyrir faraldur, hvernig greinin mun þróast til lengri tíma, hvort að framþróunin verði til á skrifborði stjórnvalda eða hjá fólkinu sem starfar í greininni, hvort að greinin sé í vörn eða sókn, efnahagslegu áhrifin og margt fleira.
-
Sigríður Margrét Oddsdóttir, framkvæmdastjóri Samtaka atvinnulífsins, fer yfir sviðið í ítarlegu viðtali. Rætt er um ársfund atvinnulífsins og þau skilaboð sem þar koma fram, nauðsyn þess að ná samstöðu um græna orkuframleiðslu – og aukna orkuframleiðslu, svonefnda grænþreytu og óraunhæf markmið í loftslagsmálum, stöðuna í hagkerfinu, hvort að aðilar vinnumarkaðarins hafi reynt að hafa áhrif á ákvarðanir Seðlabankans, um gallað vinnumarkaðsmódel hér á landi og sinnuleysi stjórnvalda gagnvart því, samskiptin við verkalýðshreyfinguna, umræðu um atvinnulífið og margt fleira.
-
Andrés Magnússon og Björn Ingi Hrafnsson ræða um deilur innan ríkisstjórnarinnar, atburðarrásina síðustu daga og hvaða afleiðingar hún kann að hafa, hvaða möguleikar eru fyrir hendir ef ríkisstjórnin springur, hvort að hlutabréfin í dómsmálaráðherranum hafi hækkað eða lækkað, hvort að flokkarnir séu tilbúnir í kosningar og margt fleira.
-
Við settum Þjóðmálastofuna upp á á Akureyri fyrir vel sótt bjórkvöld Þjóðmála. Stefán Einar Stefánsson og Þórður Gunnarsson ræða um það helsta í stjórnmálunum, þingsetningu, fjárlögin, fjölgun ríkisstarfsmanna, vangaveltur um formannsefni VG, mikla fjármagnsþörf ríkisins og fleira. Þá er rætt um kostnað við forsetaframboð Katrínar Jakobsdóttur, fólk sem þykist hafa gaman að því að borga skatta, ríkisstyrki til stjórnmálaflokka og margt fleira.
-
Ólafur Andri Ragnarsson, sérfræðingur í tæknimálum, kemur í Þjóðmálastofuna og ræðir um þá miklu tækniþróun sem hefur átt sér stað á liðnum árum. Fjallað er um gervigreind og hvort að ástæða sé að óttast þær breytingar sem hún hefur í för með sér, notkun dróna og róbóta, af hverju nær öll framþróun í tæknimálum á sér stað utan Evrópu, hvernig iðnbyltingar fara af stað, hvað verður um störfin sem síðar verða unnin af tölvum og margt fleira.
- Visa fler
