Avsnitt
-
Í þessum sjötta og síðasta þætti veltir Ragnheiður Maísól fyrir sér af hverju súrdeigsbakstur varð svona vinsæll á tímum covid-faraldursins. Hún er þó aðallega að velta fyrir sér hvernig stendur á því að við myndum tilfinningatengsl við deigklessu í krukku og gerum allt sem í okkar valdi stendur til að halda henni á lífi.
Í þættinum er rætt við Hildi Margrétardóttur, Valgerði Grétu Gröndal, Ölmu Dagbjörtu Möller og Helle Laks.
Lesarar eru Jóhannes Ólafsson, Gígja Hólmgeirsdóttir, Kristján Guðjónsson og Halla Harðardóttir.
Umsjón og dagskrárgerð: Ragnheiður Maísól Sturludóttir.
Framleiðsla og samsetning: Gígja Hólmgeirsdóttir
Hosted on Acast. See acast.com/privacy for more information.
-
Hvernig endar súrdeigsmóðir, sem er beintengd sænsku konungsfjölskyldunni og Nóbelsverðlaununum, í Mosfellsbæ? Og hvernig flækist hún þaðan á Djúpavog? Ragnheiður Maísól hittir þessa víðförlu súrdeigsmóður sem nefnist Heilög Fransiska. Svo er það hin súrdeigsmóðirin á Höfn í Hornafirði sem hefur jafnvel ferðast víðar og má rekja alla leið aftur til gullæðisins í Bandaríkjunum. Já, og hvað er þetta með að nefna súrdeigsmóðurina?
Í þættinum er rætt við Hildi Margrétardóttur, Grétu Mjöll Samúelsdóttur og Andrés Bragason.
Lesari er Björn Þór Sigbjörnsson.
Umsjón og dagskrárgerð: Ragnheiður Maísól Sturludóttir.
Framleiðsla og samsetning: Gígja Hólmgeirsdóttir
Hosted on Acast. See acast.com/privacy for more information.
-
Saknas det avsnitt?
-
Ragnheiður Maísól er að velta fyrir sér örverum súrdeigsins og grúska í minjaskrá Þjóðminjasafnsins þegar hún rekst á þrælmerkilegar skyrleifar. Líklega eru þetta elstu varðveittu minjar hér á landi um samstarf mannfólks og örvera í eldhúsinu. Uppfull af forvitni leggst hún í frekari rannsóknir á þessum skyrleifum og fer þá aðeins út af sporinu í leitinni að elstu súrdeigsmóður Íslands. En er skyrgerðin okkur Íslendingum í raun ekki það sama og súrdeigsbakstur er sumum öðrum þjóðum?
Í þættinum er rætt við Hrólf Sigurðsson, Sigfús Guðfinnsson, Ármann Guðmundsson, Jón Karl Helgason og Jón Þór Pétursson.
Umsjón og dagskrárgerð: Ragnheiður Maísól Sturludóttir.
Framleiðsla og samsetning: Gígja Hólmgeirsdóttir
Hosted on Acast. See acast.com/privacy for more information.
-
Leitin að elstu súrdeigsmóður Íslands tekur óvænta stefnu einn morguninn þegar Ragnheiður Maísól er að fara með dóttur sína í leikskólann. Frá leikskólanum berst leitin vestur á Strandir, þaðan austur á Seyðisfjörð, því næst til Baskalands og loks suður til Reykjavíkur þar sem í ljós kemur að háöldruð súrdeigsmóðir leynist í ísskáp einum þar í borg. Og þetta er engin venjuleg súrdeigsmóðir heldur súrdeigsmóðir sem veltir upp stórum spurningum, m.a. um líffræðilegan fjölbreytileika og sjálft hagkerfið.
Í þættinum er rætt við Gunnar Þorra Pétursson, Mörtu Guðrúnu Jóhannesdóttur, Eddu Kristínu Sigurjónsdóttur og Sigríði Þorgeirsdóttur.
Lesarar eru Björn Þór Sigbjörnsson, Gígja Hólmgeirsdóttir, Kristján Guðjónsson og Jóhannes Ólafsson.
Umsjón og dagskrárgerð: Ragnheiður Maísól Sturludóttir.
Framleiðsla og samsetning: Gígja Hólmgeirsdóttir
Hosted on Acast. See acast.com/privacy for more information.
-
Ragnheiður Maísól reynir að átta sig á sögu brauðmenningar á Íslandi og hvar sé líklegast að bakað hafi verið samfleytt úr súrdeigi um lengri tíma hér á landi. Þetta leiðir hana í hveitifyllt bakherbergi nokkurra bakaría víða í Reykjavík. Þar kemst hún m.a. í kynni við risastóra steinmyllu og rúnstykkjavél frá 1952 og hittir fyrir þó nokkrar súrdeigsmæður.
Í þættinum er rætt við Laufeyju Steingrímsdóttur, Sigurð Má Guðjónsson, Ásgeir Sandholt og Sigfús Guðfinnsson.
Umsjón og dagskrárgerð: Ragnheiður Maísól Sturludóttir.
Framleiðsla og samsetning: Gígja Hólmgeirsdóttir
Hosted on Acast. See acast.com/privacy for more information.
-
Hvað er eiginlega þetta fyrirbæri, súr og súrdeigsmóðir, sem eru á allra vörum? Í fyrsta þætti kemst Ragnheiður Maísól að því að elsta súrdeigsmóðir heims er líklega um 4500 ára. En hver er elsta súrdeigsmóðir Íslands? Sjálf veit Ragnheiður Maísól ekkert um uppruna sinnar eigin súrdeigsmóður. Getur mögulega verið að sú elsta Íslands sé í raun hennar eigin?
Í þættinum er rætt við Sigfús Guðfinnsson, Steinunni Arnþrúði Björnsdóttur, Steinunni Pálsdóttur, Ólínu Erlendsdóttur og Þórunni Kjartansdóttur.
Lesari: Ragnar Ísleifur Bragason, Kristján Guðjónsson, Gígja Hólmgeirsdóttir og Jóhannes Ólafsson.
Umsjón og dagskrárgerð: Ragnheiður Maísól Sturludóttir.
Framleiðsla og samsetning: Gígja Hólmgeirsdóttir
Hosted on Acast. See acast.com/privacy for more information.
-
Útvarpsþáttaröðin Súrinn samanstendur af 6 þáttum og kemur á hlaðvarpsveitur 24. desember.
Hosted on Acast. See acast.com/privacy for more information.
