Sa bagong normal, mas pinaigting na ang ugnayan ng mga tao sa iba't ibang paraan, pisikal man o birtwal. Bilang kaisa ng komunidad na nagdiriwang at nagsusulong ng sining at kultura ng bansa, layunin ng podcast na ito mula sa mga kabataang artista ng PUP Sining-Lahi Polyrepertory ang iparinig ang kanilang mga natatanging kwento ng pag-asa, pagbangon, at paglaban sa pang araw-araw na pamumuhay. Mga tinig ito ng lakas, himagsik, at pag-ibig. Pagsasadokumento ito ng danas, pagbabahagi ng aral, at higit sa lahat pagpapakatotoo.