Yn it simmerpetear gean we tsien kear yn petear mei in min of mear bekende Fries om oer syn of har libben te praten. We prate ôf op in plak dêr't in werinnering leit en dat is dan daliks ek in oanknopingspunt foar it petear. Dêrút wei komt it praat automatysk op de jonge jierren fan de haadpersoan: it gesin dêr't hy of sy yn opgroeide, de omstannichheden en de skoalkarriêre. Sa krije we de hiele libbensrin te hearren. Mar dat net allinne: we gean ek de djipte yn mei fragen as: Wannear wiest echt gelokkich? Wannear wie der djip fertriet? Hoe bist dêr mei omgien? Sa ûntstiet in noflik en nijsgjirrich petear dat útnûget ta refleksje.