Avsnitt
-
Hver er Karl 3. Bretakonungur? Stiklað á stóru um lífshlaup hans, allt frá litlum prins til manns á eftirlaunaaldri, einkalífið, áhugamálin, starfið sem prinsinn af Wales. Hefði hann verið ráðinn í starf konungs ef það hefði verið auglýst? Rætt er við fólk víða að og leitast við að svara spurningunni: Hvað hefur mótað manninn og hver er maðurinn?
Umsjón: Anna Lilja Þórisdóttir. -
Annar þáttur
Bretakonungur verður krýndur 6. maí 2023. 70 ár eru frá síðustu krýningu þjóðhöfðingja Breta, aldrei hefur jafn langt líðið á milli og þetta er sannarlega sögulegur viðburður.
Krýningarathöfnin byggir á ævafornum venjum sem margar hverjar virðast býsna framandi. Hvernig fer þetta allt saman fram? Það sem virðist við fyrstu sýn úrelt skrautsýning býr yfir dýpri merkingu þegar að er gáð. Rætt er við fólk úr ýmsum áttum um athöfnina, stemninguna og konungsveldið.
Umsjón: Anna Lilja Þórisdóttir. -
Saknas det avsnitt?
-
Karl 3. konungur er sá ríkisarfi í sögu Bretlands sem lengst hefur beðið eftir að taka við völdum. Það hefur verið ólga í einkalífi konungs - samskipti hans við Harry prins, yngri son hans eru stirð og þá hefur Andrés prins, bróðir konungs, tengst ýmsum vafasömum málum, svo ekki sé fastar að orði kveðið.
Vangaveltur hafa verið um hvort Breska samveldið lifi af þessi valdhafaskipti og þá eru blikur á lofti í efnahagslífi landsins. Hvernig konungur verður Karl og hver verða hans helstu verkefni? Til að varpa ljósi á það er rætt við fólk víða að.
Umsjón: Anna Lilja Þórisdóttir. -
Hvernig verður húsmóðir til?
Hvernig skilgreinum við húsmæður, hvaða hlutverkum gegndu þær á fyrri tíð og hvernig endurspeglast þau hlutverk í samtíma okkar?
Viðmælendur í þessum þætti:
Sigrún Halla Unnarsdóttir, fatahönnuður (Vinkonuspjall)
Erla Hulda Halldórsdóttir, prófessor við HÍ
Sigríður Ólafsdóttiir húsfreyja (Ömmuspjall). -
Eldhúsið
Hvernig vinnustaður eða íverustaður er eldhúsið. Hvernig eru eldhús skilgreind nú til dags og hvernig voru þau áður. Er eldhúsið bara vinnurými eða hjarta heimilsins?
Viðmælendur í þessum þætti:
Rut Káradóttir, innanhúsarkitekt
Nanna Rögnvaldardóttir, matreiðslubókahöfundur
Sverrir Tómasson, prófessor emeritus
Erla Hulda Halldórsdóttir, prófessor við HÍ
Sigríður Ólafsdóttiir húsfreyja (Ömmuspjall).
Lesarar í þættinum: Guðni Tómasson og Þorgerður Ása Aðalsteinsdóttir. -
Hin margslungnu hlutverk húsmæðra
Hvaða hlutverkum gegndu húsmæður hér fyrr á tíð? Hvað féll undir starfsvið húsmæðra og var sú vinna ánægja eða kvöð?
Viðmælendur í þessum þætti
Nanna Rögnvaldardóttir, matreiðslubókahöfundur
Albert Eiríksson, kurteisissérfræðingur
Erla Hulda Halldórsdóttir, prófessor við HÍ
Sigríður Ólafsdóttiir húsfreyja. (Ömmuspjall)
Lesarar í þættinum: Guðni Tómasson og Þorgerður Ása Aðalsteinsdóttir -
Á húsmóðirin erindi inn í framtíðina?
Hvað getum við tekið með úr starfi húsmæðra inn í framtíðina og hverjir eiga að vinna vinnuna?
Viðmælendur í þessum þætti:
Bryndís Fiona Ford, skólameistari Hallormsstaðaskóla (Gamla húsmæðraskólans)
Erla Hulda Halldórsdóttir, prófessor við HÍ
Sigrún Halla Unnarsdóttir, fatahönnuður. (Vinkonuspjall)
Sigríður Ólafsdóttiir húsfreyja. (Ömmuspjall)
Lesari í þættinum er Þorgerður Ása Aðalsteinsdóttir -
Í þáttunum Dansfrumkvöðlar er rætt við konur sem hafa með störfum sínum haft mikil áhrif á þróun danslistarinnar á Íslandi og auðgað menningarlíf þjóðarinnar. Bára Magnúsdóttir stofnaði ung að árum Jazzballetskóla Báru og kom með nýja sýn inn í íslenskt danslíf.
Umsjón: Ólöf Ingólfsdóttir. -
Í þáttunum Dansfrumkvöðlar er rætt við konur sem hafa með störfum sínum haft mikil áhrif á þróun danslistarinnar á Íslandi og auðgað menningarlíf þjóðarinnar. Hafdís Árnadóttir hefur um árabil veitt fjölþjóðlegum dansstílum til almennings með starfi sínu í Kramhúsinu.
Umsjón: Ólöf Ingólfsdóttir. -
Þetta var bara svo gaman.
Ingibjörg Björnsdóttir danslistakona var heiðursverðlaunahafi Grímunnar, íslensku sviðslistaverðlaunanna 2020, en verðlaunin hlýtur hún fyrir ómetanlegt framlag til danslistarinnar á Íslandi. Af því tilefni fór Ólöf Ingólfsdóttir í heimsókn til Ingibjargar með nokkrar spurningar í farteskinu. Saman líta þær yfir farinn veg. -
Enginn módernismi án lesbía fjallar um hin oft gleymdu áhrif sem bandarísku lesbíurnar Gertrude Stein og Sylvia Beach höfðu á mótun módernismans í París snemma á 20. öld.
Gertrude Stein var einn af brimbrjótum módernismans í bókmenntum og markaði einnig djúp spor í blómstrandi listalífi Parísar. Hún kom sér upp einkasafni af verkum eftir listamenn sem að áttu eftir að marka þáttaskil í listasögunni og hefur vinnustofa hennar verið kölluð fyrsta móderníska listasafnið.
Umsjón: Tinna Björk Ómarsdóttir. -
Sylvia Beach var bóksali sem að starfrækti bókabúðina sögufrægu Shakespeare and Company en bókabúðin var samkomustaður framúrstefnufólksins í París. Hún var fyrsti útgefandi móderníska meistaraverksins Ódysseifur eftir James Joyce sem að kom út árið 1922 og markaði tímamót í bókmenntasögunni.
Umsjón: Tinna Björk Ómarsdóttir. -
Í þættinum verður fjallað um meinvaldandi breytingar í BRCA 1 og 2 geni. Rannsóknum á tengslum erfða og krabbameins fer sífellt fram og úrræðin sem eru í boði verða fjölbreyttari. Rætt verður um sögu Brakkagensins hér á landi, kerfið sem búið hefur verið til í kringum það og líf þeirra sem bera stökkbreytinguna.
Viðmælendur eru Anna Margrét Bjarnadóttir, rithöfundur og fyrrum formaður Brakkasamtakanna, Kári Stefánsson, forstjóri Íslenskrar erfðagreiningar, Stefán Geirsson bóndi og Vigdís Stefánsdóttir erfðaráðgjafi.
Umsjón: Harpa Dís Hákonardóttir.
Aðstoð við dagskrárgerð: Þorgerður E. Sigurðardóttir. -
Umfjöllun í fjórum hlutum um fyrirhugaðar breytingar á lögum um útlendinga. Farið yfir helstu atriði frumvarpsins sem verður lagt fram í fimmta skipti á Alþingi í haust. Umsjón Guðrún Hálfdánardóttir.
Í þætti 1:
Jón Gunnarsson dómsmálaráðherra fer yfir þau atriði frumvarpsins sem lúta að hans ráðuneyti og ástæðurnar fyrir því að ríkisstjórnin ákvað að leggja það fram. Hann segir kostnað við kerfið vera að sliga sveitarfélögin og ljóst að ríkið þurfi að auka framlög til málaflokksins umtalsvert. -
Umfjöllun í fjórum hlutum um fyrirhugaðar breytingar á lögum um útlendinga. Farið yfir helstu atriði frumvarpsins sem verður lagt fram í fimmta skipti á Alþingi í haust. Umsjón Guðrún Hálfdánardóttir.
Í þætti 2:
Fjórir þingmenn stjórnarandstöðunnar; þau Arndís Anna Kristínardóttir Gunnarsdóttir Pírötum, Helga Vala Helgadóttir, Samfylkingu, Sigmundur Davíð Gunnlaugsson, Miðflokki og Þorbjörg Sigríður Gunnlaugsdóttir Viðreisn, lýsa afstöðu sinni til frumvarpsins en ekkert þeirra er sátt við frumvarpið eins og það er núna. -
Umfjöllun í fjórum hlutum um fyrirhugaðar breytingar á lögum um útlendinga. Farið yfir helstu atriði frumvarpsins sem verður lagt fram í fimmta skipti á Alþingi í haust. Umsjón Guðrún Hálfdánardóttir.
Í þætti 3:
Guðmundur Ingi Guðbrandsson, félagsmála- og vinnumarkaðsráðherra, fór yfir þá liði frumvarpsins sem falla undir hans ráðuneyti, það er atvinnuréttindi útlendinga. Jafnframt kemur fram sjónarhorn Arndísar Önnu Kristínardóttur Gunnarsdóttur Pírötum, Helgu Völu Helgadóttur Samfylkingu og Þorbjargar Sigríðar Gunnlaugsdóttur Viðreisn á réttindum flóttafólks frá ríkjum utan evrópska efnahagssvæðisins til þess að sækja um vinnu á Íslandi. -
Umfjöllun í fjórum hlutum um fyrirhugaðar breytingar á lögum um útlendinga. Farið yfir helstu atriði frumvarpsins sem verður lagt fram í fimmta skipti á Alþingi í haust. Umsjón Guðrún Hálfdánardóttir.
Í þætti 4:
Guðrún Margrét Guðmundsdóttir, sem fer með málefni innflytjenda á vinnumarkaði hjá ASÍ, og Halldór Benjamín Þorbergsson, framkvæmdastjóri Samtaka atvinnulífsins, telja mikilvægt fyrir íslenskt samfélag að hingað flytji fleira fólk og opna eigi íslenskan vinnumarkað enn frekar. -
Þáttur 1 af 2
Fólksflóttinn frá Úkraínu undanfarnar vikur er sá mesti sem sést hefur í Evrópu síðan í heimsstyrjöldinni síðari. Metfjöldi flóttafólks kemur hingað til lands og móttökukerfi á landamærum hefur verið fært á hættustig. Í þáttunum heyrum við sögur þeirra sem flýja til Íslands. Fjallað er um stöðu flóttafólks og hælisleitenda hér á landi, aðbúnað þeirra og ferlið við að sækja um hæli og aðlagast íslensku samfélagi. Þá er velt upp áleitnum spurningum um lagaleg og siðferðileg úrlausnaefni sem snúa að stöðu flóttafólks og landamærum.
Umsjón: Ingvar Þór Björnsson. -
Þáttur 2 af 2
Fólksflóttinn frá Úkraínu undanfarnar vikur er sá mesti sem sést hefur í Evrópu síðan í heimsstyrjöldinni síðari. Metfjöldi flóttafólks kemur hingað til lands og móttökukerfi á landamærum hefur verið fært á hættustig. Í þáttunum heyrum við sögur þeirra sem flýja til Íslands. Fjallað er um stöðu flóttafólks og hælisleitenda hér á landi, aðbúnað þeirra og ferlið við að sækja um hæli og aðlagast íslensku samfélagi. Þá er velt upp áleitnum spurningum um lagaleg og siðferðileg úrlausnaefni sem snúa að stöðu flóttafólks og landamærum.
Umsjón: Ingvar Þór Björnsson. -
1. þáttur Saga Afganistan I
Fjallað er um þetta mikla land, Afganistan; sögu og menningu landsins og þjóðina sem þar býr. Þættirnir eru fimm talsins og byggja á viðtölum við Íslendinga og Afgana og frásögn umsjónarmanns af veru sinni í landinu.
Umsjón hefur Brynja Dögg Friðrikisdóttir en um framleiðslu sér Guðni Tómasson.
Viðmælendur í 1. þætti:
Magnús Þorkell Bernharðsson, prófessor í sögu Mið-Austurlanda við Williams College í Bandaríkjunum.
Maríanna Csillag, hjúkrunarfræðingur. - Visa fler
