مشكلة، بودكاست حواري أقدمه مع صديقي أيوب، في كل حلقة واحد فينا يقترح مشكلة واجهاتو ولا مازال يواجهها، نحكيو عليها و نشوفو وش قالولنا المفكرين المختصين في مجال هذيك المشكلة، و نحاولو نديرو اسقاط لأراءهم على أرض الواقع، المهم حنا مقتنعين بلي أول خطوة لحل أي مشكلة هي طرحها.
"إذا كانت عندي ساعة بش نفكر في حل مشكلة، نمد خمسة و خمسين دقيقة للتفكير في المشكلة، وخمسة دقائق الأخيرة نفكر في حلها"
- أينشتاين
في الحلقة الأولى من بودكاست مشكلة عرفنا بلي الحركة هي مايصنع المجتمع، بصح الحركة هاذي منين تجي؟ وش لازمنا باش نتحركو؟ هل كنا ساكنين مانتحركوش دائما ولا تحركنا في وقت ما؟
الحلقة الأولى من بودكاست مشكلة. حكينا على المجتمع، بناء على بعض أفكار المفكر الجزائري مالك بن نبي من كتابه ميلاد مجتمع، هل كل تجمع بشري نقدرو نطلقو عليه مصطلح "مجتمع"؟ وش هي العناصر لي تخلي المجتمع يتطور ويوصل لما نسميه "حضارة".
Saknas det avsnitt?
