Avsnitt
-
طبيب اسنان بمنظور مختلف، يتكلم عن الاعمال والتسويق والمحتوى لمبدأ في حياته وهو التجربة. دكتور علي يسمي نفسه المجرب او المحاول وسولفنا عن بداياته وكيف اختار طب الاسنان وكيف بدأ العمل فيه، ومن وين اجه حبه للتسويق وادارة المشاريع. انتقلنا ايضًا الى الحديث عن عيادته الخاص وشلون تكدر تتميز عن المنافسين بالسوق وشلون تكسب زبائنك وتخليهم واثقين بالخدمة مالتك. انطلق علي بالسوالف عن الحياة والتربية والطموح والمستقبل لنخرج بحلقة مفيدة وممتعة جدًا راح تستفادون منها شاهد الحلقة الان على يوتيوب وجميع المنصات الصوتية وشارك الحلقة ويَ اصدقائك حتى ننشر ثقافة البودكاست بالعراق #بودكاست_بُعد #منتجات_بُعد
-
دائمًا ما اتعودنا نشوف العديد من المسلسلات وغيرها من الأعمال الفنية اللي نستمتع بيها ونحبها واحيانًا اخرى ننتقدها. بس نادرًا ما راح نعرف عن التحديات اللي واجهه العمل الفني وشلون تم انتاجه، وحتى الأعلانات! ما نعرف شنو نوعية الصعوبات اللي تعرض الها الفريق. وبالتالي حتى تكون عندنا صورة كاملة عن الموضوع، نحتاج نفهم ونتعرف على هواي مفاهيم بهالمجالات وشنو هي المسميات اللي احنا اليوم بحاجتها بالعراق حتى نعزز من الموارد الموجودة ونستغلها. راح يساعدنا بالتعرف على كل هذا ضيفنا اليوم "عبد الله خالد" والمعروف بـليو. ليو كانت رحلته غنية وطويلة بالمجال الفني والإعلاني. وانتقل من مصور منتجات الى منتج فني اله لمسته المميزة ببناء الديكورات الخاصة لكل اعلان. وعرفنا من ليو كواليس الأنتاج وشنو الاشياء اللي ما نشوفها وتأثر على العمل، وشلون جاي تصير المنافسة بين الشركات، والاهم شنو مستقبل هالمجال بالعراق وشنو هو بحاجته حتى يتطور وينافس عربيًا وعالمًيا. حلقة فريدة من نوعها راح يستفاد الكل منها سواء كان من داخل المجال نفسه او مجرد يحب يزيد من معرفته بالمجال الفني والإبداعي. فلا تنسى تشاركها مع اصدقائك حتى ننشر ثقافة البودكاست بالعراق.
-
Saknas det avsnitt?
-
شلون نسوي فيلم بالعراق ؟ سؤال ممكن يطرحة كل شخص داخل بمجال صناعة الافلام ، وليش العراق اساساً ما يمتلك سينما حقيقة ، شنو فرق الفيلم الوثائقي عن الروائي وشنو ابرز العوامل الي لازم نتبعها حتى نصنع فيلم وثائقي على ناجح ، ضيفنا صاحب تجارب في صناعة الافلام كدرت تغير منظورة للصناعة ، من خلال مخرجين اثروا بي بشكل حقيقي ، ياخذنه وياه بالرحلة كامله من البداية الى مراحل متقدمة من صناعة الافلام والتأثير الحقيقي للسينما في نفوس الناس وتغييرهم بشكل كامل ، نقاش ممتع لكل الناس وليس للمهتمين في السينما فقط ، شاركها ويه اصدقائك وخلي ننشر ثقافة البودكاست بالعراق #بودكاست_بعد #بودكاست
-
حلقة مختلفة تمامًا يستضيف منتظر ، صانع المحتوى العلمي علي السالمي وندخل وياهم بنقاش ممتع عن العلوم والفضاء والحياة على الارض ومستقبلها ، وشلون البشر يأثرون على الارض يطرق مختلفة ، وسولفنا على الذكاء الاصطناعي ومستقبلة ويانه ، شنو وجهه نظر علي عن الارض المسطحة وليش يشوفها فكرة غبية !! ومن الاساس شلون بلش علي باهتمامه بالعلوم وشلون لازم يكون شكل المدارس وطريقة التعليم . قصص ونظريات وسوالف ممتعة جدًا خلال الحلقة لا تفوتكم .
-
مشروع شبابي عراقي وبعُمر الخمس سنوات فقط تمكن من امتلاك ١٣ فرع داخل العراق لغاية الآن، وبالتالي يُعد اليوم "نيكست لفل" صاحب اكبر عدد افرع في الوطن العربي فيما يخص مجال صالات الرياضة الإلكترونية. شنو السر وراء هذا التوسع السريع وبوقت قياسي جدًا؟ وشنو نوع التحديات اللي ممكن تواجهك بمثل هالنوع من المشاريع وشلون تكدر تتجاوزها؟ وشلون "رامي" گدر يتدرج من مناصب بسيطة الى الإدارة التنفيذية لكل الأفرع؟ ويا ترى شلون گدروا الشباب يطورون بيع الوكالات ويشاركون شركات اخرى في سبيل تحقيق اهدافهم. كل هذا واكثر راح نعرفه خلال حديث ممتع ومفيد مع "رامي علي"، تمكنّا من خلاله تلخيص كل شيء يخص الألعاب والرياضة الإلكترونية والترفيهية داخل العراق.تشوفون الحلقة يوم الخميس الساعة ال6 مساءً على اليوتيوب والمنصات الصوتية. لا تنسى تشارك الحلقة ويَ اصدقائك حتى ننشر ثقافة البودكاست بالعراق.#بودكاست_بُعد #بودكاست
-
بطل آسيا، والثاني على العالم في رياضة الكيك بوكسنك يشاركنا رحلته مع مظلومية هذه الرياضة في العراق وشلون اكو تركيز زايد على كرة القدم والتوجه اللي حصل في كأس الخليج مقارنة بالإنجازات العراقية في الرياضات الفردية. حجينا عن البدايات والتضحيات اللي يقدمها اللاعب بهاي الرياضة وشنو تأثيراتها على الصحة النفسية والحياة الشخصية، وطبيعة التغذية والالتزام اللي تحتاجها بهاي الرياضة. والأكثر حماس هو الشعور داخل الحلبة والافكار اللي تكون داخلها. والكثير من المواضيع التي لم يتم تسليط الضوء عليها بشكل جيد أو كافي سولفنا بيها بحلقة ممتعة وجميلة مع الكابتن علي محمد مجبل. شارك الحلقة مع اصدقائك حتى ننشر ثقافة البودكاست بالعراق. #بودكاست_بُعد #بودكاست
-
هواي نسمع عبارات مثل "اكل قبل احسن من اكلنا هسة وصحتهم احسن من صحتنا" شنو السبب! او ليش بوقتنا هذا جاي تكثر الامراض والسمنة بشكل مفرط، مهم جدًا انو نعرف عن صحة اجسامنا وشنو الاشياء الي تحتاجها وشنو الاشياء الي تضرها.هل تأثير الاكل يجي من النوعية او من الكمية؟شنو المفاهيم الخاطئة الي وصلتنا عن التغذية والرياضة الي تحتاج تصحيح؟بمنتصف تزاحم الحياة والتسارع والسعي بحثاً عن الاشياء الي نريدها ضروري ناخذ وقفة وننتبه على صحتنا وعلى الطريقة الي نتغذة بيها.مواضيع جدًا مهمه وتساؤلات تناقشنا وسولفنا بيها بشكل مُفصل وي الكابتن حسين الونان.حلقة مفيدة جداً لكل شخص وممتعة بنفس الوقت.يوم الخميس الساعة 6:00 مساءًعلى اليوتيوب و المنصات الصوتيةشاركها مع شخص يحتاجها.#بودكاست_بُعد#بودكاست
-
يمتلك منتظر خبرة تُقارب العشر سنوات في مطبخ بصرتنا. وحاولنا خلال الحلقة تغطية كافة جوانبها من بدايات المطبخ والتحديات الواجهته خلال ٢٠١٤ وصولًا الى آلية عمل المطابخ في العراق وكيفية التعامل مع الزبائن وكسب ثقتهم، هذا بالإضافة الى عمليات التوسع وفتح فروع جديدة والاستحواذ على اسواق جديدة وشنو هي الخطط المستقبلية. وبما انَّ "بصرتنا" تجاربها عديدة مع وكالات التسويق، شاركنا ضيفنا بعض من تجاربه وياهم وسولفلنا عن ابرز المشاكل اللي واجهها واللي من خلالها گدرنا نعرف شنو اللي ممكن يحتاجه صاحب المشروع من شركات التسويق. كل هذا واكثر في حلقة مفيدة وممتعة وعفوية خارجة من تجربة عراقية جديدة.تابع الحلقة يوم الخميس الساعة 6:00 مساءً على يوتيوب والمنصات الصوتية.ولا تنسى تشاركها مع اصدقائك، حتى ننشر ثقافة البودكاست بالعراق.#بودكاست_بُعد #بودكاست
-
من المُتعارف عَليه عن الشركات وأسباب وجودها، هو إنها ربحية بشكل كامل وتعتمد على مجموعة موظفين وأدوات لتحقيق اهداف معينة ذات طبيعة ربحية. لكن بين فترة وأخرى نسمع عن مؤسسي لشركات تحمل اهداف مُختلفة، مثل إحداث تغيير بالمجتمع وتحسين الأفراد وغيرها. ويبقى السؤال الأهم هل هذهِ الأهداف حقيقية أم مُجرد اهداف لأغراض تسويقية؟ وهل على الموظف تبني رسالة الشركة حتى يگدر يكمل بيها؟ تساؤلات هواي راح يجاوبنا عليها "حسين علي" شريك مؤسس في "تفاعل". حسين خاض تجارب عديدة في المجال الإبداعي وراح يلخص رحلته وبدايته وبدايات الشركة، اضافة الى تحديات السوق العراقي وطبيعة التعامل مع العملاء، ومواضيع شيقة ثانية سولفنا بيها. بودكاست بُعد كل يوم خميس الساعة 6:00 مساءً على يوتيوب والمنصات الصوتية، آبل بودكاست وگوگل بودكاست #بودكاست_بٌعد
-
ممكن تواجه بحياتك العديد من الاشخاص، منهم الي تشوفه وتنبهر بطريقة كلامه وقصصه الي يحملها أو تعجبك الطريقة اللي يشتغل بيها، فتسأل نفسك شلون هذا الشخص يسولف بهاي الطريقة وشلون عنده كل هاي القصص. الجواب هو التجارب اللي نعيشها وتفرحنا أو تأذينا بس بالاخير والاكيد راح تعلمنا. بهاي الحلقة سولفنا ويَ مأمون عن التجارب اللي يعيشها الانسان وشنو ممكن تضيفله وشلون يواجه كل التحديات, وبأي طريقة گدر مأمون يدخل لعالم ريادة الأعمال وشنو التجارب اللي خاضها. كل هذا واكثر بالحلقة اللي راح تستمتع بمُشاهدتها. لا تنسى تشاركها مع اصدقائك حتى ننشر ثقافة البودكاست بالعراق.كل يوم خميس الساعة 6:00 مساءًا
-
استخدام التطبيقات بالحياة اليومية هو تجربة جديدة على العراق، فما بالك اذا جنت أنتَ مسوي أول تطبيق سفر بالعراق!! البدايات والاهداف وفريق العمل والاستثمار والمستقبل وتحديات كثيرة و مفاهيم مهمة ناقشناها وي احمد مؤسس تطبيق "سندباد". حلقة ممتعة ومفيدة جدًا لكل شخص صاحب مشروع أو حاب يفتح مشروع مستقبلًا، وتوضيحات مهمة لكل شخص يستخدم التطبيقات عموماً. شاركنا احمد رحلته بسندباد من بداية الفكرة وتطويرها ومرحلة اقناع المستثمر شلون لازم نخلي تعهد على نفسنا وعلى الفريق ونلتزم بي حتى نحقق الاهداف الي نريدها. شارك الحلقة ويَ كل اصدقائك حتى ننشر ثقافة البودكاست بالعراق. كل يوم خميس الساعة 6 مساءًا على يوتيوب وجميع المنصات الصوتية. #بودكاست_بُعدحسابات بُعد على منصات التواصل الأجتماعيhttps://linktr.ee/bo3d.platforms
-
ضيفنا في هذه الحلقة الدكتور نبيل اطيمش ، خبير في الإتحاد الأوربي في الطاقة المتجددة حجينا عن البيئة وشلون بيدنا نعرض حياتنا للخطر من خلال ممارسات نسويها كل يوم ، حجينا بعد عن الطمر الصحي ، الي طلع اصلاً غير صحي !! ، وليش فكرة اعادة التدوير هي تجربة قديمة وانتهت . وشلون النبات جاي يظرنا !! هواي مفاجأة بهاي الحلقات وتوصيات وتطبيقات عملية لافكار ناقشناها ويه دكتور نبيل استمتع بمشاهدة الحلقة وشاركها مع اهلك واصدقائك حتى ننشر ونشجع ثقافة البودكاست . #بودكاست_بُعد
-
بودكاست؟أكيد، لأنه من أهم الادوات لنشر المعرفة والثقافة والعلوم والقصص بوقتنا الحالي"بودكاست بُعد" راح يسولف عن مواضيع مختلفة تخص الاعمال، المجتمع، الثقافة والمستقبل ويه ضيوف مهمين وأصحاب قصص وتجارب مُلهمة.مهمتنا نشر ثقافة البودكاست من خلال الإستماع والمشاهدة وهدفنا نوثق أكبر عدد من القصص داخل العراق.نحرص على تقديم منتجات بجودة عالية جداً حتى تستمتع بالمشاهدة وحتى يكون شي عراقي نفتخر بي.حلقة جديدة كل يوم خميس الساعة 6:00 مساءًا #بودكاست_بعدحساباتنا على التواصل الأجتماعيhttps://linktr.ee/bo3d.platforms
