Avsnitt
-
Frosti Logason fjölmiðlamaður er gestur Einkalífsins að þessu sinni og segir frá tímanum þar sem fyrrverandi kærasta hans steig fram í viðtali og sakaði hann um hótanir og andlegt ofbeldi. Hann segir frá tíma sínum á sjónum og stofnun eigin miðils, Brotkasts. Frosti ræðir umfjöllun sína um Eddu Falak og segist ekki hafa haft hana á heilanum. Hann ræðir líka fjölskyldulífið og væntanlega endurkomu Mínus.
-
Kristrún Frostadóttir er intróvert að eðlisfari sem var dregin út úr skelinni þegar foreldrar hennar fluttu til Bretlands. Hún ræðir æskuna í Fossvogi og spænskuskólann í San Sebastián þar sem hún kynntist fyrstu ástinni sem býr nú í Íran. Hún ræðir lífið á þingi og hvernig það fer saman að ala upp ung börn á meðan hún reisir Samfylkinguna upp úr öskustónni.
-
Saknas det avsnitt?
-
Tónlistarkonan og leikkonan Guðrún Ýr Eyfjörð, betur þekkt sem GDRN, er viðmælandi í Einkalífinu. GDRN skaust upp á stjörnuhimininn árið 2017 og það má með sanni segja að líf hennar hafi verið tilviljanakennt. Hún stefndi á atvinnumennsku í fótbolta frá ungum aldri en slasaðist og fór því í tónlistarnám. Hún gaf út plötu án þess að hafa sungið fyrir framan fólk, fór með aðalhlutverk í Netflix seríu án þess að hafa leikið áður og er í dag ein þekktasta listakona landsins. Hún var að senda frá sér plötuna Frá mér til þín og segir suma texta 100% samda um ákveðnar manneskjur á meðan hún gefur sér skáldaleyfi í öðrum lögum. GDRN ræðir hér meðal annars um feril sinn, tónlistina, ástina, móðurhlutverkið, að vera kona í bransanum, vináttu sína við Bríeti, að byggja sig upp og vera með breiðara bak í dag en nokkru sinni fyrr.
-
Þorsteinn V. Einarsson kynjafræðingur er fótboltakappi að fornu fari sem lenti í erfiðleikum vegna fíkniefnanotkunar. Hann fann beinu brautina í kynjafræðinni en segir bakslag í umræðunni hafa haft sín áhrif á andlega heilsu hans. Þá ræðir hann fjölmiðlastorminn sem varð í kringum bók hans og eiginkonu hans Huldu Tölgyes um þriðju vaktina í aðdraganda síðustu jóla og áhrifin sem málið hafði á hann.
-
Dansarinn, áhrifavaldurinn og raunveruleikastjarnan Ástrós Traustadóttir var einungis 16 ára gömul þegar hún flutti erlendis til þess að leggja fyrir sig atvinnumennsku í dansi og varð Frakklandsmeistari í dansinum 17 ára. Nokkrum árum síðar lenti hún á vegg eftir að hafa glímt lengi við átröskun sem varð til þess að hún leitaði sér hjálpar og flutti heim. Ástrós er viðmælandi í Einkalífinu þar sem hún ræðir lífið og tilveruna, raunveruleikaþættina LXS, að vera þekkt á Íslandi, danslífið, andleg veikindi og bataferlið, erlendan hakkara sem hún varð fyrir, móðurhlutverkið og hlaðvarp hennar um móðurhlutverkið, ástina sem kom á erfiðum en samt hárréttum tíma og ýmislegt fleira.
-
Arndís Anna Kristínardóttir Gunnarsdóttir þingmaður Pírata er skilnaðarbarn sem flutti reglulega í æsku. Hún varð fyrir einelti og Idol-ævintýri hennar lauk í sjúkrabíl. Arndís er gestur Einkalífsins og ræðir líka ástina, Eurovision, örlagaríka ferð á Kíkí og áhrifin sem málið hafði á fjölskyldu hennar. Einkalífið er í samstarfi við Mist.
-
Raunveruleika- og samfélagsmiðlastjarnan Brynjar Steinn, jafnan þekktur sem Binni Glee, skaust upp á stjörnuhimininn árið 2016 og hefur vakið athygli landsmanna á sjónvarpsskjánum í þáttunum Æði. Binni segist hafa glímt við félagskvíða og ofþyngd alla sína ævi og fór í míní-hjáveitu aðgerð í fyrra sem hann segir hafa breytt lífi sínu. Hann ræðir um lífið eftir aðgerðina, fjölbreyttar hliðar frægðarinnar, Æði ævintýrið, að koma út úr skápnum, að finna sig í gegnum Internetið, framtíðina, ástarmálin og margt fleira hér í Einkalífinu.
-
Söngkonan Una Torfadóttir kom eins og stormsveipur inn í íslenskt tónlistarlíf á síðasta ári. Una er gestur Einkalífsins þar sem hún ræðir æskuheimilið í Vesturbænum, tónelska fjölskyldu sína, samband sitt við móður sína Svandísi Svavarsdóttur, hvernig það var að koma fram á Arnarhóli í kvennaverkfalli, lífshættulegt krabbamein sitt, innblásturinn að lögunum og femínismann og framtíðina.
-
Leikarinn, fjölmiðlamaðurinn, söngvarinn, Eurovision sérfræðingurinn og lífskúnstnerinn Felix Bergsson fann ungur að árum að það ætti vel við hann að vera á sviðinu fyrir framan fjölda fólks. Felix Bergsson er viðmælandi í Einkalífinu þar sem hann ræðir meðal annars um uppvaxtarárin á Blönduósi, hvernig hann fór frá því að hafa engan áhuga á Eurovision yfir í að heillast algjörlega og verða leiðtogi íslenska hópsins, að koma út úr skápnum, ástina og fjölskylduna, að láta í sér heyra, samstarfið við Gunna sem hefur nú spannað 30 ár, að vera í stöðugri þróun, að fylgja hjartanu og margt fleira.
-
Kamilla Einars er nýjasti gestur Einkalífsins á Vísi. Hún ræðir meðal annars barnæskuna í Hlíðunum, fjölskylduna sem í eru miklir rithöfundar og innblásturinn að bókum sínum. Kamilla er þekkt fyrir húmor og ræðir eigið hispursleysi á samfélagsmiðlum. Hún ræðir líka veikindi móður sinnar og hvernig fjölskyldan hefur tekist á við þau með jákvæðnina að vopni.
-
Lífið gjörbreyttist hjá raunveruleikastjörnunni og rapparanum Bassa Maraj þegar hann samþykkti að vera með í einum þætti af Æði. Nú eru seríurnar orðnar fimm og hefur Bassi verið í öllum þáttum. Bassi er viðmælandi í Einkalífinu þar sem hann ræðir um ferilinn, að koma út úr skápnum, ást sína á eldri borgurum og hundum, að leita stöðugt í grínið, óþægilega athygli, föðurmissinn og fleira.
-
Athafnarkonan Tanja Ýr Ástþórsdóttir er ein af upprunalegu áhrifavöldum landsins en hún var fljót að uppgötva tækifærin sem fylgdu samfélagsmiðlum. Tanja er viðmælandi í Einkalífinu þar sem hún ræðir meðal annars um ástina, lífið í Bretlandi, mikilvægi samskipta, að hafa verið í sviðsljósinu lengi, reynslu sína af Ungfrú Ísland, að halda ákveðnum hlutum fyrir sig, að stofna fyrirtæki, vera óhrædd við áskoranir og ýmislegt fleira.
-
Óskar Logi er nýjasti gestur Einkalífsins á Vísi. Þar ræðir hann barnæskuna á Álftanesi, stofnun Vintage Caravan og öll sautján árin sem sveitin hefur starfað. Hann ræðir líka sitt persónulega líf, þar á meðal fráfall bróður síns Stefáns Jörgen Ágústssonar sem lést árið 2018 eftir langvarandi andleg veikindi.
-
Vilhjálmur Hans Vilhjálmsson er með þekktari lögmönnum landsins og hefur meira að segja fengið viðurnefnið stjörnulögmaðurinn. Hann er viðmælandi í nýjasta þætti af Einkalífinu.
-
Edda Lovísa Björgvinsdóttir, kvikmyndagerðarkona og fyrrverandi OnlyFans stjarna, ræðir um æskuna, hvernig það var að alast upp í einni þekktustu leiklistarfjölskyldu landsins. Hún talar um árin á OnlyFans, reynsluna af því að framleiða klám fyrir miðilinn og ákvörðun sína um að hætta.