Avsnitt
-
Sunna og Elín elska jólin en hafa of oft orðið jólastressinu að bráð. Þær ræða um samviskubit, veganjól og pressuna sem fylgir oft jólunum um að allt þurfi að vera baðað fullkomnun og hamingju. Þetta er síðasti þátturinn í bili og því líta Sunna og Elín yfir farinn veg og rifja upp góðar stundir á Smá Pláss árinu sem er að líða.
-
Sunna og Elín hafa setið tímunum saman á bar en hafa þrátt fyrir það aldrei gerst sekar um hatursorðræðu gagnvart samstarfsfólki sínu og minnihlutahópum. Sunna og Elín ræða um #klausturgate og viðbrögð þeirra sem komu að því máli. Þær ræða samsæriskenningar, kerfisbundna kvenfyrirlitningu, viðbrögð skeleggra kvenna við upptökunum og hvort þjóðkjörnir fulltrúar geti komist upp með svona hegðun.
-
Saknas det avsnitt?
-
Sunna and Elín live in Iceland, which is also home to just over 17,000 Polish immigrants. Anna Marjankowska, board member of the Efling trade union, joins Smá Pláss this week to talk about Polish women in Iceland, the issues they face, such as employment below their qualifications, and getting stuck in certain sectors of work. Sunna, Elín and Anna discuss the Women's Day Off, Polish stereotypes, reasons for moving to Iceland and how Icelanders can welcome Polish immigrants in a more enthusiastic way. This week's Smá Pláss is a collaboration with RÚV English, to ensure the inclusion of non-Icelandic speakers in this particular topic: Polish women in Iceland. Að þessu sinni er Smá Pláss unnið í samstarfi við RÚV English og því spreyta Sunna og Elín sig á ensku í þætti vikunnar. Gestur þáttarins er Anna Marjankowska, meðlimur í stjórn Eflingar. Hún ræðir við Sunnu og Elínu um aðstæður pólskra kvenna á íslenskum vinnumarkaði, staðalmyndir, kvennafrídaginn og hvernig Íslendingar geta tekið betur á móti Pólskum innflytjendum. Efling meetings in Gerðuberg https://efling.is/2018/11/19/eflings-gerduberg-meeting-the-conditions-of-low-wage-women-are-unacceptable/?lang=en ,,Við erum ósýnileg“ - Stundin um pólska innflytjendur https://stundin.is/grein/7744/ Mannfjöldi eftir Bakgrunni - Hagstofan https://hagstofa.is/utgafur/frettasafn/mannfjoldi/mannfjoldi-eftir-bakgrunni-2017/ Hidden People by Wiola Ujazdowska https://www.huldufolk.net/wiola-ujazdowska/
-
Sunna og Elín eru Íslendingar, en u.þ.b. 12% Íslendinga eru innflytjendur. Konur af erlendum uppruna eru oft í viðkvæmri stöðu, eins og sást á sögum þeirra í #metoo-byltingunni. Þessar konur hafa oft ekki stórt félagslegt bakland og verða gjarnan fyrir fordómum. Í þokkabót eru þær oft háðar ofbeldismönnum sínum um skjól og jafnvel dvalarleyfi á Íslandi. Gestur þáttarins er Claudie Wilson, héraðsdómslögmaður, en hún flutti til Íslands frá Jamaíka fyrir 17 árum. Hún hefur m.a. sérhæft sig í málum flóttamanna hérlendis og unnið innan Samtaka kvenna af erlendum uppruna á Íslandi. Sunna, Elín og Claudie ræða um gagnkvæma aðlögun, hvernig er að vera augljós innflytjandi á Íslandi, Klausturmálið og hvernig íslenskar konur geta gefið erlendum konum meira pláss í sinni baráttu. Ræða Claudie Wilson á Arnarhóli, 24. október 2018 https://kvennafri.is/claudie-wilson/ Allt að sex ára fangelsi fyrir að standa upp fyrir flóttamann https://stundin.is/grein/7731/threttan-ara-fangelsi-fyrir-ad-standa-upp-fyrir-flottamann-i-flugvel/ Lög um útlendinga aðeins til á íslensku https://stundin.is/grein/7464/log-um-utlendinga-adeins-til-islensku/ Claudie Wilson í viðtali við Rauða krossinn https://www.youtube.com/watch?v=U91rXd6W0ks
-
Sunna og Elín eru sískonur. Fólk sem er ekki sís býr margt hvert við fordóma og áreiti, og ekki síst misskilning. En samhliða því að sumstaðar sé mikið bakslag í réttindum hinsegin fólks er algengara og algengara að fólk vandi sig að kynja fólk rétt og venji sig á ný fornöfn. Íslenskan er smám saman að aðlagast með ýmsum nýyrðum (hýryrðum) og kynsegin fólk fær að skilgreina sig eins og þeim sýnist. Gestur þáttarins að þessu sinni er Valgerður Hirst Baldurs, sem er kynsegin, þ.e. upplifir sig utan kynjatvíhyggjunnar, og notar fornafnið hán. Þau ræða bakslagið í Bandaríkjunum, ferli Vallýjar við að fara í brjóstnám hjá transteymi Landsspítalans, mikilvægi þess að spyrja fólk um skilgreiningar og kynjun, kynsegin fyrirmyndir og hvernig er hægt að vera góður bandamaður. Hinsegin frá Ö til A: Kynsegin https://otila.is/hinsegin-regnhlifin/kynvitund-og-kyntjaning/kynsegin/ Vallý á Twitter https://mobile.twitter.com/kynsegin Viðtal við Vallý á Jafnréttisdögum HÍ: http://www.visir.is/g/2017171008918 Trans land https://gayiceland.is/2018/trans-land-a-new-platform-for-trans-people/
-
Sunna og Elín hafa séð klám, enda er það svo aðgengilegt í dag að það er varla hægt að komast hjá því. Klám er farið að hafa stórtæk áhrif á ungt fólk, og þá sérstaklega stráka, sem alast upp með internetið við höndina og sjá klám jafnvel sem einu kynfræðsluna sem er í boði. Þetta hefur áhrif á tengslamyndun, sjálfsmynd og samskipti kynjanna. Þessi sort af klámi er þó ekki sú eina sem er í boði, enda er femínískt klám vaxandi bransi. Sunna og Elín ræða um klámkynslóðina, Eriku Lust og áhrif kláms á viðhorf gagnvart kynlífi. Ástrós Erla Benediktsdóttir - Útbreiðsla kláms og hugsanleg áhrif þess https://skemman.is/bitstream/1946/17971/1/FRG261L_BA%20ritger%C3%B0%20loka_%C3%81str%C3%B3s%20Erla%20Benediktsd%C3%B3ttir_2306912909.pdf Hvað einkennir svokallaða klámkynslóð? https://www.visindavefur.is/svar.php?id=6429 Hvað er klám? https://www.visindavefur.is/svar.php?id=2677 COCK, COCK.. WHO'S THERE? http://www.samiraelagoz.com/cock-cock-whos-there/ L'imparfait - franskt erótískt tímarit www.limparfaite.com Periodic table of feminist porn - Lotukerfi fyrir femínískt klám www.feministpornguide.com/periodictable.html It's Time For Porn To Change - Erika Lust á TEDx https://youtu.be/Z9LaQtfpP_8 Petites Luxures á Instagram https://instagram.com/petitesluxures?utm_source=ig_profile_share&igshid=19qv1v2wpunc6 Dr Lucy Neville - Male gays in the female gaze: women who watch m/m pornography http://eprints.mdx.ac.uk/17524/ OMG Yes - fræðsluvefur um fullnægingar kvenna www.omgyes.com
-
Sunna og Elín lenda stundum í fávitum. Fávitar eiga það til að senda fólki óumbeðnar typpamyndir, hótanir og svívirðingar á netinu. Kynferðisleg áreitni grasserar á samfélagsmiðlum og lítið virðist vera gert í því eins og er. Sólborg Guðbrandsdóttir, gestur þáttarins, heldur úti Instagram-reikningnum Fávitar, þar sem hún deilir skjáskotum af kynferðislegri áreitni á netinu. Sunna og Elín ræða við hana um ástæðurnar á bak við svona hegðun, mikilvægi þess að halda umræðunni áfram og hvernig hægt sé að breyta þessu samskiptamynstri. Fávitar á Instagram https://instagram.com/favitar Assholes Online https://www.instagram.com/assholesonline/ Why Men Send Pics of Their Junk https://www.psychologytoday.com/us/blog/women-who-stray/201602/why-men-send-pics-their-junk
-
Sunna og Elín vilja eiga sjálfsákvörðunarrétt yfir sínum eigin líkama undantekningalaust. Það inniheldur réttinn til að taka ákvörðunina um að rjúfa þungun, sama hvað ástæður liggja þar að baki. Sunna og Elín ræða nýtt frumvarp um þungunarrof á Íslandi, viðmót samfélagsins, þungunarrof á grundvelli fæðingargalla og fólkið sem sér þungunarrof sem barnamorð. Frétt RÚV um nýtt frumvarp varðandi þungunarrof http://www.ruv.is/frett/heimilt-verdi-ad-eyda-fostri-til-22-viku Um þungunarrof og frumvarp að nýrri löggjöf https://www.stjornarradid.is/verkefni/allar-frettir/frett/2018/10/25/Um-thungunarrof-og-frumvarp-ad-nyrri-loggjof/ Umfjöllun um grein gegn frumvarpinu http://www.dv.is/frettir/2018/10/31/hermann-midur-sin-thetta-hryggir-mig-svo-ad-eg-get-raun-ekki-lyst-thvi-hversu-hraedilegt-mer-finnst-thetta/ Mótmæli í Póllandi gegn frumvarpi um lögbann þungunarrofs árið 2016 https://www.theguardian.com/world/2018/mar/23/abortion-poland-mass-protests-against-tightening-of-law
-
Sunna og Elín eiga engin börn. Þær hafa hins vegar heyrt alls konar hluti um hvernig það er að eiga börn og finnst móðurhlutverkið oft vera baðað óraunhæfum ljóma. Gert er ráð fyrir því að allar konur vilji og muni eignast börn og séu náttúrulega víraðar/hæfar til þess að vita hvernig á að fara að því, allt frá meðgöngu til uppeldis. Helga Dögg Ólafsdóttir, grafískur hönnuður og móðir, er gestur þeirra að þessu sinni. Þær ræða saman um leyfið sem fólk gefur sér til að snerta og tala um líkama þungaðra kvenna, allar mögulegar breytingar sem verða á líkamanum fyrir og eftir fæðingu, móðureðlið, brjóstagjöf, þungunarrof og samviskubit. Fæðingarþunglyndi: http://www.persona.is/index.php?action=articles&method=display&aid=60&pid=12
-
Sunna og Elín fá stundum fullnægingar - stundum í einrúmi og stundum með öðrum. Sjálfsfróun er tabú, ekki síst fyrir konur, enda hefur kynhegðun kvenna löngum verið sett í skammarlegt samhengi. Sunna og Elín ræða titrara, píkur, viðhorf gagnvart sjálfsfróun í gegnum tíðina og allar mýturnar sem helvítið hann Freud setti fram um fullnægingar kvenna. Er sjálfsfróun hættuleg? Vísindavefurinn https://www.visindavefur.is/svar.php?id=5071 Stunda önnur dýr sjálfsfróun? Vísindavefurinn https://www.visindavefur.is/svar.php?id=60456 OMG Yes - fræðsluvefur um fullnægingar kvenna https://www.omgyes.com "Explained" á Netflix - 'The Female Orgasm' https://www.netflix.com/title/80216752?s=i&trkid=0
-
Sunna og Elín eru með líkama og hafa frá byrjun fengið mjög skýr skilaboð frá samfélaginu um hvernig þeir eigi að líta út. Líkamar sem uppfylla ekki þessi skilyrði verða enn fyrir aðkasti og lýsingarorðið „feitur“ er hlaðið öðrum og verri merkingum. Gestur Sunnu og Elínar er Tara Margrét Vilhjálmsdóttir, formaður Samtaka um Líkamsvirðingu. Þær ræða saman um réttlætingu á fitufordómum, líkamsvirðingu á instagram, sjúkdómsvæðingu holdafars og útvötnun hugtaksins „body positivity“. Tara Margrét á Instagram https://www.instagram.com/taramvil/?hl=en Skömm á Rúv Núll http://www.ruv.is/utvarp/spila/skomm/27831?ep=89db3h
-
Sunna og Elín verða varar við nauðgunarmenningu daglega. Hún er stórt vandamál á Íslandi sem og annarsstaðar. Nauðgunarmenning kristallast í því þegar konum er ekki trúað þegar þær segja frá, þegar þolendum er kennt um ofbeldið sem þau verða fyrir og þegar gert er lítið úr alvarleika kynferðisofbeldis. Þær ræða um Dr Christine Blasey Ford og Brett Kavanaugh, birtingarmyndir nauðgunarmenningar í poppkúltúr, ósnertanleika forréttindafólks og leiðirnar sem við getum farið til þess að sporna við ástandinu. “RAPE CULTURE, VICTIM BLAMING, AND THE FACTS“ http://www.southernct.edu/sexual-misconduct/facts.html “Alicia Carroll | Calling out rape culture on TV | TEDxBeaconStreet“ https://www.youtube.com/watch?v=WPMiLVZK6Z8&t=899s “Skýr áhrif kláms í nauðgun ar mál um“ https://www.mbl.is/frettir/innlent/2013/04/19/skyr_ahrif_klams_a_naudganir/
-
Sunna og Elín njóta ýmissa forréttinda. Þeirra femínismi á ekki við alla, t.d. eru fatlaðar konur með önnur forgangsatriði og sjónarhorn í sinni baráttu. Inga Björk Margrétar Bjarnadóttir er gestur þáttarins að þessu sinni en hún hefur lagt ómælda vinnu í að fræða almenning um fötlunarfordóma og ableisma. Hún ræðir við Sunnu og Elínu um lífið í hjólastól, birtingarmyndir fatlaðra sem vinalaus grey í bíómyndum, aðstoð án samþykkis, áætlaðan hetjuskap fatlaðra og óaðgengilegan femínisma. Inga Björk á Twitter: @ingabbjarna
-
Sunna og Elín fá allt önnur viðbrögð frá samfélaginu en karlar fyrir sömu hegðun. Tvískinnungar (e. double standards) leynast víða. Karlar mega eldast, konur eiga að halda sér í formi tvítugrar konu út ævina og lita á sér hárið þegar það gránar. Lauslátir karlmenn eru folar, konur sem haga sér eins eru druslur. Konur sem skipta um bleyjur á börnunum sínum eru að gera það sem er búist við af þeim, karlar sem gera það sama eru ótrúlega góðir pabbar. Þessi tvískipting samfélagsins og afleiðingar hennar eru skaðlegar fyrir bæði kyn. Sunna og Elín ræða það að borga fyrir sinn eigin mat á deiti, raunfrelsi geirvartna og hræsnina sem fylgir tvískinnungum. Cars Against Harrassment á Twitter - sjá #ShirtlessShamers https://twitter.com/CardsAgstHrsmt Philip Wollen : Animals Should Be Off The Menu debate https://www.youtube.com/watch?v=uQCe4qEexjc
-
Sunna og Elín byrjuðu í menntaskóla fyrir 10 árum. Á þeim tíma var drusluskömmun daglegt brauð og að skilgreina sig sem femínista var félagslegt sjálfsmorð. Síðan þá hefur mikið vatn runnið til sjávar og kvenréttindabarátta fengið meira pláss í meginstreyminu. Beyoncé skilgreinir sig opinberlega sem femínista og fólk í framhaldsskólum í dag er mun opnara fyrir málstaðnum. En er feminísmi orðinn jafn vinsæll og raun ber vitni eða er mögulegt að fólk sé að skilgreina sig sem femínista en haga sér á andféminískan hátt? Gestur Sunnu og Elínar er Laura Sólveig Lefort Scheefer, formaður Emblu, femínistafélagsins í MH. Þær ræða um fréttapésa, sleikmyndbönd, útbreiðslu femínisma um framhaldsskóla landsins og milvægi þess að hafa val til að skilgreina sig sjálfur.
-
Sunna og Elín hafa virkilega gaman af kynlífi eins og svo margir aðrir. Þær hafa lært margt á upp á eigin spýtur enda var kynfræðslan sem þær fengu á uppvaxtarárunum ekki upp á marga fiska. Aukin fræðsla um samþykki og líkamsstarfssemi kvenna hefði t.d. komið sér sérstaklega vel! Indíana Rós Ægisdóttir, mastersnemi í kynfræði, spjallar við þær um mýtuna um meyjarhaftið, typpamiðaðar kynlífsstellingar, réttu sleipiefnin, G-blettinn og vanrækslu snípsins.
-
Sunna og Elín eru hluti hins fjölmenna hóps kvenna sem hafa verið beittar ofbeldi af hálfu karla. Gerendur kynbundins ofbeldis eru ýmist fordæmdir eða fyrirgefið gjörsamlega af samfélaginu og eru jafnvel andlit fyrirtækja, tónlistarhátíða, kvikmynda og leikhúsa. Skuggalegir nauðgarar í húsasundum eru taldir hin verstu skrímsli en hvað með góðlega menn sem leyna á sér og axla aldrei ábyrgð á gjörðum sínum? Gestur þáttarins er Sigþrúður Guðmundsdóttir, framkvæmdastýra Kvennaathvarfsins. Sunna, Elín og Sigþrúður ræða Twitter-umræðuna, sakleysislega ofbeldismenn, gerendameðvirkni og möguleg úrræði. “Nauðgunarmenningin“ eftir Bjarna Karlsson http://www.visir.is/g/2018180839998 “Opið bréf til Sr. Bjarna Karlssonar“ eftir Þóru Kristínu Þórsdóttur forynju Kvennahreyfingarinnar: http://www.visir.is/g/2018180909782/opid-bref-til-sr.-bjarna-karlssonar “Hverjir eru allir þessir gerendur?“ eftir Ólöfu Skaftadóttur: http://www.visir.is/g/2015706069995 Viðtal við skáldið Virginie Despentes sem skrifaði “Baise Moi“ eða “Rape Me“ https://www.youtube.com/watch?annotation_id=annotation_3801020315&feature=iv&index=2&list=PLaXYmy6yM19PqgP7dqE-bXPrK1ppRZV-T&src_vid=7ZYDGN4TPZU&v=FlVTXZ5Tzl4 https://www.kvennaathvarf.is/ https://www.stigamot.is/ http://heimilisfridur.is/
-
Sunna og Elín búa í samfélagi sem verðlaunar átraskanir. Í þætti vikunnar ræða þær við Ölmu Mjöll Ólafsdóttur, sviðshöfund og listakonu, sem opnaði sig nýlega um baráttu sína við átröskun. Þær spjalla um útlit sem mælikvarða á virði kvenna, innri Gollum-röddina sem segir okkur að grennast, hollustu sem vopn og það hvernig samfélagið upphefur skaðleg skilaboð um kvenlíkamann. Grein Ölmu Mjallar, Átröskun í sjúku samfélagi https://stundin.is/grein/7279/atroskun-i-sjuku-samfelagi/ Tónlistarmyndband eftir Ölmu Mjöll fyrir Hórmóna https://www.youtube.com/watch?v=6k_AAiQ-Otc The Male Glance https://www.theguardian.com/news/2018/mar/06/the-male-glance-how-we-fail-to-take-womens-stories-seriously
-
Sunna og Elín horfa stundum á bíómyndir og þætti. Þeim finnst samt alltaf eins og söguþræðirnir séu einsleitir og kvenpersónurnar ófrumlegar og einfaldaðar. Hvað ef fleiri konur gerðu bíómyndir? Elín og Sunna ræða Bechdel-prófið, nauðgunarmenningu sem rómantík, Reese Witherspoon og það hvernig James Bond er sama um samþykki. Movies by Her http://moviesbyher.com/ What it's Like to be a Woman in Hollywood - Naomi McDougall Jones https://www.ted.com/talks/naomi_mcdougall_jones_what_it_s_like_to_be_a_woman_in_hollywood 7 Reasons So Many Guys Don't Understand Sexual Consent http://www.cracked.com/blog/how-men-are-trained-to-think-sexual-assault-no-big-deal/ Tea consent https://www.youtube.com/watch?v=oQbei5JGiT8 Kvikmyndafyrirtæki Reese Witherspoon https://hello-sunshine.com/ "
-
Sunna og Elín eru gagnkynhneigðar sískonur og njóta forréttinda sem slíkar. Þær hefur lengi langað að stækka sjónarhorn þáttarins og gestur þeirra að þessu sinni er Skaði Þórðardóttir. Þær ræða saman um lífið á hormónum, viðhorfsbreytingar gagnvart hinsegin fólki á síðustu 25 árunum eða svo, kynhegðun höfrunga og múrverk.
- Visa fler
