Avsnitt
-
可能大家中學果時都有一條題目問:到底天賦、努力邊個重要?
依個咁哲學嘅問題,係做學生時期的我哋,當然大多人都話係努力重要啦。但退後一步去睇,其實佢哋並冇話邊一個比較重要,點解?
我哋有請兩位主持同大家灌一灌心靈鷄湯啦!
有請品牌助產士 - Manos 同埋番茄通粉 - 茄粉!
-
有人話進修係令自己成為一個更好嘅人,咁所謂"一個更好嘅人"應該係以自身吸收的知識出法?定係以目標為本,擁有一張張嘅"沙紙"?定係再有更高層次嘅目的"令自己成為更好嘅人"?
講到尾,其實進修都係為自己好,或者為咗事物/人而進修;每個人坐車嘅目的地都唔同,有遠有近,但最緊要都係到達終點。
令自己變成一個更好嘅人。
-
Saknas det avsnitt?
-
有一則古希臘的寓言《狐狸與刺猬》曾言,如果一隻狡猾的狐狸要捕獵一隻在走路閑閒的刺猬,刺猬看似佔下風,皆為囊中之物,但最後狐狸大多會以失敗告終。
原因相信大家都可以估到,因為刺猬掌握了「保命」這重要一環(刺猬會把自己捲縮起來,以防大多掠食者的攻擊)。當然,在現實通才的人才不會被專才的人攻擊吧?
在香港,若果要成為一位專才的人,首先家庭上要有一定經濟能力,以及家人的支持。所以如果作為家長的你們,多啲為小朋友發掘佢嘅天賦,果份愛同支持對佢嚟講好重要!
講到最後,身為子女,夢想家的你們,自己果份堅持最為重要。
"what doesn't kill me, makes me stronger" - Friedrich Nietzsche
-
恭喜發財!🧧 祝大家身體健康,財源廣進,温馨和睦!(雖然有啲老土)
每逢一到新年,我就會發現樓下保安特別給力,又好熱情咁祝你依樣祝你果樣,然後我當然好大方咁派每人各兩封利是,就瀟灑不留一片雲彩地急步走了,因為佢哋好快就會摸到封利是的1蚊硬幣。
之後樓下個保安就冇再同我講野,心裏一定好多祝福我全家嘅字眼。
(本故事純屬虛構) 當然個利是都唔好太小啦!
我估依兩位主持已經準備好依段時間派利是比大家!地點唔知!時間唔清楚!總之一切隨緣!甲辰年大吉!
完!
-
終於!!!!! 終於等到啦!
終於可以等到美斯同蘇亞雷斯嚟香港陪佢哋一齊睇波啦!依個機會真係好難得嫁!仲係四千蚊尾一張飛,接近可以睇到世界盃嘅價錢,真係非常抵!(吐嘈完了)
或者可以教美斯唱吳業坤果首 "原來它不夠愛我 原來我坐後備座"
今次的香港隊對國際邁亞密相信對不少球迷來說都十分失望,甚至有些人是遠渡而來的旅客。到底原因是什麼?是那份合約的錯?還是Tatler的過失?還是只是因為美斯受傷?
我想現在相信只有主辦方和球會才知道這"真相"。
-
Optical Online HK IG Store:
https://www.instagram.com/optical.online.hk?igsh=MXF4b29zajdwcHRkMQ==
仲記得我哋係頭幾集嘅腦作動,仲係一個若果用嚟開Boardcast係會比較狹窄同每次都要用1個鐘Setup,相比依家有個Studio,之後仲會有一個新地方。
依一年幾腦作動都真係改變咗唔少,其實都好有賴大家對依個Boardcast嘅支持(雖然好老土),希望大家可以繼續支持依兩位主持,如果大家有咩主題都可以提出!相信我哋來年會為大家做更多更好嘅内容!多謝大家嘅支持!
-
相信大家去旅行嘅時候,大家一定有試過講價,果種成功講到價嘅成功感,真係會令人係旅行嘅時候增添一種快感!
(之後離開旅客區係一間平價舖頭見到辛辛苦苦你講番嚟嘅商品賣得更平)
心情: 📉
不過! 雖然去旅行總係會遇到少少唔如意嘅事。 但千萬千萬唔好比依啲少事影響到成程旅行嘅心情。
旅行最緊要係咩? 唔係個爐喎!而係要愉快,輕鬆呀嘛~~
-
有冇一個可能,的士咁樣加價,可能會令更加多人唔搭的士? 而去選擇其他的叫車服務?
雖然香港嘅叫車服務係唔合法,但依然每日都有好多市民選搭叫車,係咪因為的士係服務上對比叫車比較差? ;又係咪因為價錢上叫車可以比較平? 定係的士依個交通工具係2024年嚟講已經不合時宜呢?
-
「我未必可以幫到你,但我會陪著你」
所謂關懷,是大家互相關心,彼此支撐,甚至可以去用"愛"改變世界。其實有時候,一個好簡單嘅陪伴,可以勝過千言萬語。
人生並不是事事如意,有些事總會將你打挎,那種壓力會令你墜入無盡的"深淵"之中。但當你以為那些"黑暗"正要將微弱的燭光吞噬時,不要忘記陪著你身邊的"光芒",與你一起對付"黑暗",將你從"深淵"之中拉起你。
而這份"光芒"就足以戰勝"黑暗",就是這份支撐,令我不再墜入"深淵"之中。
倘若你真係需要幫忙,相信依兩位主持都好樂意成為你的"光芒"。
-
係50集呀呀呀呀呀!!!! 適逢咁啱聖誕節(嘅尾巴) 又係50集大壽! 梗係要好好慶祝啦!🎉 祝大家一日前嘅聖誕節快樂!!❄️ 同之後嘅新年快樂!!
大家有冇好好享受依個聖誕節呢?不過我知依個聖誕一定係又溫馨又甜密,又食多咗嘅一個聖誕嚟!
希望依個假日嘅氣氛唔好停!一路去到倒數!呀唔係!係一路去到2024年!
不過依集已經係今年既最後一集,下一集要下年先可以同大家見面啦! 真係好唔捨得... 再見了各位!
(咩話?你話下一集係下個星期?!)
-
日本人好容易比人一種感覺係守秩序,彬彬有禮,有條理,跟規則,咁的確又真係嘅,依個係不均嘅事實。
但係有時會因為太守規則,明明有啲好快捷嘅方法去解決問題,卻因為要"跟規則嚟做"從而浪費了時間,唔係話"跟規則嚟做"唔好,但能善變都係好重要!
不過,所謂"入鄉隨俗", 到咗唔同嘅國家,就要熟悉,學習人哋嘅文化同習俗,咁樣都係去旅行嘅内容之一!
-
香港麥當勞首席市場策略及數碼體驗官 Tina Chao:
https://fb.watch/ovUC5jpEET/
Moni HK Jewellery 創辦人 Iris:
https://fb.watch/ovUno0k84n/
定格動畫師及紙藝藝術家 Vika Cheng:
https://fb.watch/ovUlF6hbFL/
我身為一位學校嘅班主任,今日改佢哋其中嘅一份功課,名為「我的志願」。學生們都依然寫咗好多大家夢想嘅工作,機師,消防員,律師等等,就連鐵飯碗嘅政府工都有。直至我睇到第十幾個學生:「我的志願是成為一名紙藝師。」當時我睇到紙藝師幾個字後,突然腦海空白一遍,彷彿依幾隻字係唔應該出現係我的志願上似的。
我回個神後就繼續睇落去,「因為... 接紙是我的喜好和興趣,我希望可以用接紙提高人們的環保意識。因為我看到有很多紙張很快就被浪費了,被扔掉了,所以我希望將來可以有一家公司,收集這些已經沒人用的紙張,然後用接紙的方式做成一個回收的紙森林,放在一個商場裏,賦予他們第二生命,以藝術的方式繼續予人觀賞...」
或者,唔係每個人都想做機師,消防員,律師。可能簡單嘅一名紙藝師都己經足夠,足夠改變世界,只要能夠堅持自己中意嘅野,總會有唔同嘅位置可以滿足自己,滿足他人。
最後寫道:「但是,我媽媽知道了我這夢想後,她狠狠地罵了我一頓。」
(本故事純屬虛構 如有雷同實屬巧合)
-
台下真係十年功! 不論係電影或舞台劇,演員嘅付出都好值得欣賞!不過舞台劇相對比電影演員們花的心機更要多,畢竟系表演嘅時候要面對現場的觀眾。所以要演好每一場劇,都係對舞台劇嘅尊重。
因此,依個新嘅一「故」作「戲」系列,主持們將會攞當時一個比較熱門的電影,舞台劇或劇集討論!希望大家從中有唔同嘅見解!
完~
-
番番去係幾年之前,即係疫情未開始果時,WeWork身為一間創新既共享辦公公司,其市場估值曾經高達470億美元,有說係當時的一個「神話」。
但完全估唔到,佢被一啲睇不見嘅「敵人」打敗。一次的疫情,廿一日的隔離,幾年的封城。
疫情甚至改變咗人類嘅生活模式,「Work From Home」開始流行,經過幾年的洗禮,疫情完結。到咗2023年11月,WeWork不幸係美國申請破產。
身為一間創新並富有新想法嘅公司,當時點樣算都算唔到疫情會有咁既影響,只可以話佢打賭輸咗,又或者係佢唔好彩姐。
-
佢,將空氣的性質改變為Wi-Fi和網絡。
蘋果,或者改變咗大家嘅生活。
依家各位有幸用到嘅Mac機,Iphone,或者係因為佢當時既一個舉動。從而令生活變得方便,快捷。
佢,有好多格言鼓勵咗唔少人
佢曾經講過:你寧願一世賣糖水?定係想同我一齊去改變世界?
雖然佢已經去咗天國,但佢已經成功改變咗個世界,唔再係想一世賣糖水嘅人
咁,你呢?
"Do you want to sell sugared water for the rest of your life, or do you want to come with me and change the world?" - Steve Jobs
-
一位被稱"視覺設計魔術師"既教授一位由做平面,到之後涉及埋產品設計既大師之一一位如果你同佢做差唔多既平面,會被老細X到上天花板既簡潔程度佐藤可士和PEACE FOR ALL - KASHIWA SATO
-
依家亂拋垃圾罰款要三千蚊, 生一個小朋友只係得兩萬蚊,咁個小朋友咪只係被貶到得番六七件垃圾既價錢?!
但!依次既施政報告都唔止果兩萬蚊係針對鼓勵生仔嘅,其實對於依兩萬蚊或者可以轉一轉字眼,唔用"鼓勵"生育,用"津貼"生育又得唔得?
不過如果真係兩萬蚊既話,應該我都幾相信"錢係唔可以解決所有問題"既。。
-
創業難,守業更難,今集Manos同你分享傳奇企業家-稻盛和夫 嘅企業管理策略。
稻盛和夫 生於貧困家庭,靠著自身努力考入大學半工讀,畢業後曾進入職場做「打工仔」,繼而喺27歲創業。稻盛和夫一生創立咗兩間世界500強公司,亦令當年(2010年)負債165億美元的日本航空喺三年時間將慘不忍睹嘅財務狀況「化腐朽為神奇」;究竟稻盛和夫從中領悟出什麼道理?佢亦堅守邊一啲原則呢?立即收聽!
-
有冇試過係商場突然萬馬奔騰;瀑布一瀉而下既感覺?然後係九死一生;電光火石之間終於睇到了久違既logo,彷彿散發著一道曙光打救着十萬火急既我。
但入到去一睇,就明白了世事,已經唔再急了。
寫道:「貨𨋢」
(原因係有啲商場既廁所logo同貨𨋢logo真係好似...)
一位日本的平面設計大大大師
一位懷着以設計改善生活理念的老師
一位懂跨媒介,為很多因素和方向思考才設計的人
原研哉 - KENYA HARA
Creativity is to discover a question that has never been asked - KENYA HARA
-
"阿媽,點解香港夜繽紛啲野嘅價錢一啲都唔繽紛嘅?" 到底係咩原因令有啲人覺得廿蚊4粒燒賣好貴?而有啲人又唔係咁諗?係咪個行銷定位唔到位呢?
今次依兩位主持同你一一講解!
月餅來源已經幫你搵咗,唔洗唔該!😎
https://shorturl.at/syIKX
- Visa fler