Avsnitt

  • 今集延續上一集嘅主題,會繼續講廖偉棠嘅《玫瑰是沒有理由的開放:走近現代詩的40條小徑》,談論寫詩嘅倫理同抵抗。

    上集因為時間關係,留到今集先講廖偉棠對黃燦然嘅批評。黃燦然究竟「是觀察還是自矜」?書寫他者嘅時候會產生啲咩倫理問題?呢部分係四寶上廖偉棠嘅堂聽返嚟嘅獨家內容,《玫瑰》本書入面冇㗎,大家千祈唔好錯過~😏

    另外,仲想同大家分享〈彎的自由度將越來越廣闊〉呢個 chapter 。當寫詩抵擋唔到坦克,抵擋唔到政權,寫作者究竟應唔應該寫落去?呢條問題,就連廖偉棠都覺得好難答。寫詩嘅荒謬 VS 不寫詩嘅荒謬,你哋又會點揀?

    (Btw 四寶要懺悔:今集係噉讀錯辛波絲卡個名,對唔住!😭我愛辛波DC⋯⋯辛波私家⋯⋯辛波絲卡!🙌🏻)

    P.S. 今集提到嘅詩都擺咗上 IG,強烈建議大家一邊聽住 podcast 一邊睇~

    Highlight:
    00:52 點解無啦啦由黃燦然講到斗六?😂
    02:48 終於正式講黃燦然嘅問題——「是觀察還是自矜?」
    08:31 對於書寫他者嘅僭越問題,四寶同童偉格嘅解答
    15:20 四寶's pick〈彎的自由度將越來越廣闊〉
    17:30 辛波絲卡讀音障礙
    20:07 Mola 去泰國聽返嚟嘅泰式幽默抗爭
    30:04 有一樣嘢,寫詩肯定抵抗到
    32:13 政治詩喺當下同未來嘅意義?
    33:55 討論詩嘅翻譯

    提及嘅書籍 / 詩:

    廖偉棠:《玫瑰是沒有理由的開放:走近現代詩的40條小徑》黃燦然:〈在茶餐廳裡〉、〈日常的奇蹟〉辛波絲卡(Wislawa Szymborska):〈種種可能〉曼德爾施塔姆(Osip Mandelstam):〈是的,我躺在大地裡〉


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 遠距離錄音咗咁多集,我哋三個終於都重聚喇!今集四寶會講廖偉棠嘅《玫瑰是沒有理由的開放:走近現代詩的40條小徑》,一齊探索好似玫瑰噉靚得沒有理由嘅詩意。

    事前四寶就叫 Mola 同 Lulu 每人揀一個有興趣嘅 chapter 做今集介紹嘅重點。Mola 揀嘅〈藏起來的音樂——在詩情裡的抑揚頓挫〉,會講當新詩唔一定有韻腳同對仗嘅時候,係靠啲咩去製造音樂性。大家聽到「音步」呢個 term 嘅時候,唔好諗孭呀😆。而 Lulu 揀嘅〈離開現實,是為了現實〉入面,我哋會跟住黃燦然穿越去廿年前,再穿越天堂、人間、地獄,一齊感受超現實又超級現實嘅日常詩意。

    最後,今集岸久二三事差啲因為笑到透唔到氣而錄唔到。Mola 新名「阿龍」🐲究竟點嚟?佢同小管家嘅愛恨糾葛,將為你娓娓道來。

    P.S. 今集提到嘅詩都擺咗上 IG,強烈建議大家聽住 podcast 同我哋一齊讀詩~

    Highlight:
    01:42 介紹廖偉棠
    03:09 玫瑰是沒有理由的開放,詩是沒有解答的美~
    06:45 對詩嘅常見質疑
    08:40 Mola's pick〈藏起來的音樂——在詩情裡的抑揚頓挫〉
    25:00 Lulu's pick〈離開現實,是為了現實〉
    30:35 觸碰陌生婦人嘅鼻息呢啲嘢用靈魂做好喇
    43:36 岸久二三事:Mola 做乜變咗「尋巾的龍」?

    提及嘅書籍 / 電影 / 詩:

    廖偉棠:《玫瑰是沒有理由的開放:走近現代詩的40條小徑》許鞍華執導:《詩》瘂弦:〈乞丐〉蕭宇翔:〈巨鹿:死與少女──臺前試音〉( https://giaaantdeeer.mystrikingly.com/blog/b2ca5130eef )黃燦然:〈母親〉、〈天堂、人間、地獄〉


    參考資料:

    《玫瑰是沒有理由的開放:走近現代詩的40條小徑》博客來介紹 ( https://www.books.com.tw/products/0010891579 )《詩》介紹 ( https://www.goldenhorse.org.tw/film/programme/films/detail/3676 )音步 - 維基百科,自由的百科全書 ( https://zh.wikipedia.org/zh-tw/音步 )


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • Saknas det avsnitt?

    Klicka här för att uppdatera flödet manuellt.

  • 上集介紹完《愛妻》令人暈陀陀嘅「雞包紙包雞」 structure,今集我哋就主要 focus 喺 《愛妻》嘅核心思考——究竟人與人,可唔可以互相理解?心靈,可唔可以彼此融合?

    法國神父兼科學家兼哲學家德日進,相信人類終有一日會拋棄身體同物質,達致個體意識嘅大融合。建基於呢個思想,董啟章喺書中用各種形式嚟驗證人類融合嘅可能性,最後得出嚟嘅答案 (喺四寶眼中) 卻始終係悲哀嘅。似乎呢種完美嘅境界,從一開始就係天方夜譚。

    問題出喺邊?係因為佢主要用咗夫妻關係去探討,而忽略咗其他嘅人際關係同性慾取向? 係因為佢過分執著於「靈」同「肉」嘅並重?定好似書中所講,呢個圓滿嘅境界可能「只是我們(必須)假想的一個原點和完美狀態?而現實是必然的分類、分裂、分離?」

    《愛妻》成日提到「靈肉不協調」,而事實上董啟章嘅思辯都睇到四寶好唔協調,覺得佢就係一隻披住刺蝟皮 🦔 嘅狐狸 🦊,大家又認同嗎?

    P.S. 董啟章大概係全香港最中意動物圖案衫嘅作家。著老虎頭像冷衫嘅黃念欣,同著龍紋浴袍嘅董生,交畀大家想像~😉

    Highlight:
    00:28 《愛妻》嘅核心思考:「人與人,能互相理解嗎?心靈,能彼此融合嗎?」
    01:01 點解人會渴望同他者連接?
    09:47 融合形式一:互聯網
    11:37 融合形式二:性嘅肉體連接
    19:04 融合形式三:書嘅精神連接
    28:56 融合形式四:身心融合 🐉🐍
    40:22 董啟章係一隻披住刺蝟皮 🦔 嘅狐狸 🦊?
    41:23 讓四寶大呼救命嘅動物圖案 fashion
    43:35 岸久二三事:Lulu 喺分流站目睹嘅工人姐姐匪夷所思

    提及嘅書籍同影視作品:

    董啟章:《愛妻》,2018 年契訶夫 (Anton Chekhov):《海鷗》(The Seagull),1895 年庵野秀明執導:《新世紀福音戰士》(新世紀エヴァンゲリオン),1995-1996 年


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 香港作家董啟章同學者黃念欣呢對 couple 喺文學界出名恩愛 💗,今次呢集要講嘅小說直程就叫做《愛妻》,四寶 prep 嗰陣都要戴返副太陽眼鏡 🕶 以防被閃盲。

    究竟董啟章係點樣玩弄小說嘅敘述層次,將《愛妻》變成一舊「雞包紙包雞包紙包雞包包雞紙⋯⋯」?而狐狸 🦊 同刺蝟 🦔 呢兩隻看似完全唔挐耕嘅動物,喺文學評論入面原來都係一對大有關係嘅「couple」?

    注意 ⚠️ 今集將會有大量動物出沒(龍、蛇、魚、蝦、虎、狐狸、刺蝟⋯⋯),仲會劇透晒成本書最精彩嘅 plot twists。以及,如果唔想同《愛妻》主角阿蛇一樣咁暈陀陀,聽呢集一定要開住我哋 IG 睇人物關係圖同敘述層次圖呀!

    Highlight:
    01:33 介紹董啟章
    03:03 簡介《愛妻》情節
    07:02 Facebook 嗰個「Meta」聽得多,但其實咩係「Meta」(後設)?
    11:13 劇透時間~🚨
    17:50 開始紙包雞,希望大家唔會聽到暈陀陀
    27:04 「我嚟睇小說,唔係嚟睇論文㗎!」
    28:32 你係狐狸定刺蝟?
    33:34 岸久二三事:Lulu 影印奇事 & 睇完《白日之下》遇到嘅軟骨功阿伯

    提及嘅書籍同電影:

    董啟章:《愛妻》,2018 年卡爾維諾 (Italo Calvino):《如果在冬夜,一個旅人》(Se una notte d'inverno un viaggiatore),1979 年Peter Weir 執導:《楚門的世界》(The Truman Show),1998 年Buster Keaton 執導及主演:《福爾摩斯二世》(Sherlock Jr.),1924 年 (我哋第 42 集講過)


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 🚨SPOILER ALERT,今集建議睇完先聽~

    《Taxi driver 》帶畀觀眾嘅未必係「細胞開晒」嘅體驗,而係主角無限嘅孤寂感同自我隔離。Travis 退伍後庸庸碌碌噉過日子,每日都做同樣嘅嘢,好似冇終點噉,同時又要面對一個佢厭惡嘅世界,最終將自己推向極致。

    電影好多時候都會用主角 Travis 嘅第一視角帶我哋睇佢所睇到嘅嘢,我哋未必會好似主角咁極端去用暴力解決問題,但喺佢身上我哋往往會有所共鳴。

    推薦自己——啊唔係🤪——大家睇呢一部憂鬱嘅新黑色電影~🎬🍿️

    Highlight:
    01:12 咩係「新黑色電影」(Neo-noir)?
    05:29 開始劇透《Taxi Driver》
    06:51 Mola 成個腦都係一舊嘢
    08:51 女神 Betsy:黑暗城市裡面嘅曙光
    10:47 Mola 需要四寶牌翻譯機
    14:04 打電話 scene:唔影主角,而係影條空盪盪嘅走廊有咩用意?
    18:56 主角嘅經典手勢 🤞✌️🤞✌️🔫
    20:39 竟然有成員會同主角一樣同塊鏡講嘢?!
    22:56 雛妓 Iris:係咪真係要主角解救?
    25:11 主角點樣「整頓」紐約?
    27:32 結局嘅諷刺
    32:39 我好推介自己睇呢套電影
    34:14 岸久二三事:聞屎的肥仔波 & 世紀難題「食咗嘢未」

    提及電影:

    Martin Scorsese 執導:《的士司機》(Taxi Driver),1976年Billy Wilder 執導:《雙重賠償》(Double Indemnity)),1944年Roman Polanski 執導:《唐人街》(Chinatown),1974年Sir Ridley Scott 執導:《銀翼殺手》(Blade Runner),1982年Todd Phillips 執導:《小丑》(Joker),2019年David Fincher 執導:《搏擊會》(Fight Club),1999年


    提及書藉:

    Philip K. Dick 著:《複製人會夢見電子羊嗎?》(Do Androids Dream of Electric Sheep?,另有譯名:《仿生人會夢見電子羊嗎?》、《仿生人會夢想擁有電子羊嗎?),1968年


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 今集返嚟,繼續講時代雜誌挑選嘅 All-Time Movies!Mola 今次就揀咗成個 list 入面年代最久遠,同時都係最短嘅電影《福爾摩斯二世》(Sherlock Jr.)。

    講起黑白默片,好多人都會諗起卓別靈而遺忘咗另一位喜劇大師,人稱「大石臉」嘅冷面笑匠基頓(Buster Keaton)🗿,即係呢套電影嘅導演兼男主角。唔好睇佢細細粒,除咗創意無限,好識掌握電影呢種媒介嘅特質,場面調度別出心裁,佢仲係骨骼精奇嘅練武奇才,帶畀觀眾好多驚喜(同驚嚇,睇到Mola心都離一離🥶)。

    今集「岸久二三事」返翻嚟,想知四寶個肺🫁發生咩事,就要聽呢一集喇!

    Highlight:
    00:52 開場白
    02:10 咩係「間幕」?
    03:07 劇情介紹
    07:13 同為默片喜劇大師,Buster Keaton 同卓別靈有咩唔同?
    11:32 Buster Keaton 非常痴線嘅童年
    18:45 骨骼精奇+想像力=令人驚奇嘅特技效果
    26:25 「致敬 vs 抄襲」嘅問題
    29:30 黃金時期之後嘅 Buster Keaton
    30:37 岸久二三事:四寶的上肺尖肋膜

    提及作品:

    Buster Keaton 執導:《福爾摩斯二世》(Sherlock Jr.),1924年Martin Scorsese 執導:《雨果的巴黎奇幻歷險》(Hugo),2011年


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 時代雜誌 Time Magazine 曾經揀選 100 部電影做「All-Time Movies」,呢個 list 後來亦都成為好多人回顧經典電影時嘅必備指南。嚟緊兩集(應該),我哋將會每人揀一套裡面嘅片嚟睇,討論下佢究竟有咩資格上到呢個 list。打頭陣嘅四寶,就揀咗小津安二郎嘅《東京物語》。

    如果要拍一個東京嘅故事,大家會拍啲咩?會好似 Mola 噉「社畜眼裡出社畜」,定好似 Lulu 噉想拍日本嘅傳統人文精神?小津鏡頭下嘅東京,一開始可能會令你大跌眼鏡,但了解咗背後嘅時代脈絡之後,你或者就會佩服「大師果然係大師👍」。而呢套平淡嘅電影,點解又會令四寶大呼驚嚇?原節子嘅角色(有人記得佢喺 9startart 邊集出現過嗎?),又點樣傳達出小津對於社會世態無奈但理解嘅態度?

    唔好意思😣,今集又遲咗兩日,亦都冇咗「岸久二三事」嘅環節。你問點解?因為社畜太忙,忙到連岸久事都短缺😢😢😢

    Highlight:
    00:29 時代雜誌 ALL-TIME 100 Movies 係咩?
    01:31 《東京物語》簡介
    04:09 全片 SPOILER ALERT⚠️
    07:27 主持不孝自白💀
    15:36 《東京物語》嘅時代背景
    21:25 「火車」象徵
    27:11 最令四寶驚嚇嘅位
    33:08 小津嘅態度:變幻原是永恆~

    提及作品:
    小津安二郎執導:《東京物語》,1953年 (四寶睇嘅 version: https://www.youtube.com/watch?v=5CFtITPEvZM)

    參考資料:

    Time Magazine's All-TIME Movies (1923-2005) (https://www.imdb.com/list/ls000156310/?st_dt=&mode=detail&page=1&sort=list_order,asc)東京物語 - 維基百科,自由的百科全書 (https://zh.wikipedia.org/zh-tw/東京物語)《東京物語 Tokyo Story》:家庭制度的瓦解、小津安二郎導演的經典作品之一 (https://medium.com/閱讀文藝復興-book-review/東京物語-tokyo-story-家庭制度的瓦解-小津安二郎導演的經典作品之一-166302cf3126)人心思變:為什麼小津安二郎的《東京物語》必須是在東京 (https://wu3vupx03.wordpress.com/2019/03/31/人心思變:《東京物語》中「東京/廣島」與「現/)【新聞教室】美日同盟逾半世紀 從敵對、朋友到關係不對等之路 | 香港01 (https://www.hk01.com/環球趣聞/179162/新聞教室-美日同盟逾半世紀-從敵對-朋友到關係不對等之路)


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 今次我哋精彩喇!Lulu 會同兩位不婚主義者討論婚姻!(或者可能係三個不婚主義者😆)唔知大家有咩睇法呢?快啲 DM 我哋一齊傾傾!

    今次講嘅作品係莊梅岩嘅《短暫的婚姻》,點題台詞係「如果深愛,再長的婚姻也是短暫的。」Lulu 睇嘅係劇本,有趣嘅地方係你可以透過閱讀台詞,同時幻想果個人用緊咩表情/肢體語言,喺咩地方喺咩氣氛底下去講呢一句說話。大家聽完有興趣可以去睇劇本/電視劇/舞台劇(有機會嘅話)!

    Highlight:
    03:10 《短暫的婚姻》簡介
    04:41 細路遲早會「翅膀硬了」
    06:26 《短暫的婚姻》情節概要
    08:06 超正嘅對白——「喺教囡、賺錢同良知之間攝時間拍拖」、「諗唔開心嘅嘢要喺戶外」等等
    13:08 無論朋友定夫妻,「一凹一凸,互補不足」先 perfect
    15:44 生命中唔知快定慢嘅快與慢辯證
    24:05 Lulu 覺得浪漫嘅 scene
    25:56 一個想像唔到自己結婚嘅人+兩個不婚主義者討論婚姻 xd
    34:38 岸久二三事:將軍澳包玻璃女王四寶、眼下雙下巴 Mola

    提及作品:

    莊梅岩:《短暫的婚姻》(劇本,2019)陳奕迅、蔡思韵、郭偉亮、蔡潔主演:《短暫的婚姻》(電視劇,2017)《短暫的婚姻》(舞台劇,2019 首演、2022 重演)


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 唔知大家睇Netflix 有冇聽過《黑鏡》或者 Black Mirror ? 今集 Lulu 同四寶就揀咗其中兩集嚟講,分別係《White Bear》(白熊世界)同埋《White Christmas》(白色聖誕)。大家唔想畀我哋劇透就睇埋先聽呢一集 podcast 喇!呢集我哋會討論有關科技、人性、法律、刑罰同正義等等嘅議題,聽落係咪好豐富呢?所以呢集有啲長。最後想戴個好大嘅頭盔🪖,我哋三個嘅法律知識都係來自劇集同小說,有咩講錯咗記得同我哋講返呀~🤣

    唔好意思呀,今集又出現咗技術問題同收音環境有啲嘈,後期處理都冇辦法完全清乾淨,我諗⋯⋯要等我哋有錢買咪先解決到😭😭希望大家唔好介意~

    Highlight:
    01:19 簡介《Black Mirror》
    03:59 《White Bear》(白熊世界)劇情概述
    08:15 對刑罰、司法嘅討論(要戴厚厚嘅頭盔) 🤪
    20:47 《White Christmas》(白色聖誕)劇情概述
    30:46 四寶對《White Christmas》(白色聖誕)嘅欣賞同質疑
    37:06 意識 copy 嘅道德、司法問題
    46:00 岸久二三事:叫 ChatGPT 寫《Black Mirror》style 嘅劇本同 BL?!

    提及作品:

    《White Bear》(白熊世界),《Black Mirror》第 2 季第 2 集,2013(劇集)《White Christmas》(白色聖誕),《Black Mirror》聖誕特別篇集,2014(劇集)《Psycho-Pass》,2012-2014(動畫)


    鳴謝:
    好有教育意義同道德感嘅 ChatGPT

    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 今集繼續由四寶講上集未講完嘅《Sonny Boy》~想知今集嘅 title 究竟係點嚟,《Sonny Boy》關榴蓮咩事,就一定要聽到最後!

    表現手法上,《Sonny Boy》無論喺人物塑造、鏡頭語言、畫風等等方面,都營造出特殊嘅氣質。「手作」嘅人性同數位後製嘅非人性糅合,展現一個個天馬行空嘅異世界,為我哋帶來「奇觀式」嘅觀賞體驗。仲有強大嘅音樂陣容(包括落日飛車!)、克制的配樂安排,都令《Sonny Boy》更添藝術性。

    呼~喺《Sonny Boy》嘅影像世界入面「榴蓮」忘返咗咁耐,終於都講完喇!如果你聽完呢兩集之後真係走咗去試呢嚿「榴蓮」,歡迎 DM 同我哋講你嘅試食心得!無論你中意或者唔中意都好,如果《Sonny Boy》可以喺你嘅心入面留低一啲嘢,四寶都會好欣慰。

    Highlight:
    00:18 復古、簡樸嘅人物設計
    02:27 二次元紙片人都有演技同鏡頭感?
    02:36 「玩沙」場景請見 EP11 16:24-18:29 (https://youtu.be/j_vYZoNpjuY?t=984)
    08:14 以鏡頭語言製造不協調感
    10:55 張圖 upload 咗上 IG,聽眾可以一齊「估眼」
    14:20 畫風參考咗「野獸派」
    19:02 科幻、迷幻、超現實——數位後製嘅非人性
    23:48 配樂勁正
    29:11 「不會推薦任何人的好作品」?!——《Sonny Boy》榴蓮論

    提及作品:

    《Sonny Boy》 (漂流少年) ,2021 (Ani-One Asia 正版繁中字幕: https://youtube.com/playlist?list=PLxSscENEp7Jh5cTYOJ44AOGwWLAap7dCU )《Cowboy Bebop》 (星際牛仔) ,1998


    參考資料:

    《漂流少年》不會只是年度最強 ( https://www.youtube.com/watch?v=BvflZr4zXVY )(閒聊) 漂流少年 深度製作解析與背景 (專欄翻譯) ( https://www.ptt.cc/bbs/C_Chat/M.1634209532.A.18B.html )A Masterclass In Illustrating A Singular Worldview: Sonny Boy And Shingo Natsume ( https://blog.sakugabooru.com/2021/09/19/a-masterclass-in-illustrating-a-singular-worldview-sonny-boy-and-shingo-natsume/ )《漂流少年》監督 夏目真悟的訪談 ( https://forum.gamer.com.tw/C.php?bsn=71295&snA=68 )日本青春新番推薦:漂流少年 Sonny Boy,佐上落日飛車與 toe 配樂的超能力懸疑群像劇 ( https://hackazine-tw.com/sonny-boy/ )(21夏) 漂流少年 (Sonny Boy) 莫名其妙 (雷) ( https://ptt.reviews/C_Chat/M.1633279045.A.EF2 )《漂流少年》Sonny Boy 表面與背後的寓意 ( https://www.youtube.com/watch?v=_jMeLW6qZuI )星際牛仔 - 維基百科,自由的百科全書 ( https://zh.wikipedia.org/zh-tw/星際牛仔 )野獸派 - 維基百科,自由的百科全書 ( https://zh.wikipedia.org/zh-tw/野兽派 )


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 試幻想,你嚟到一個異世界,你唔使食飯唔會死亡,永遠都係「十四歲卜卜脆」,你會做啲咩?你會選擇留喺度,定係返去現實世界?

    今集介紹嘅日本動畫《Sonny Boy》,主角正正係一班無啦啦「漂流」咗去異世界嘅中學生,部份人仲要獲得咗超能力𠻹!😎⚡️

    究竟《Sonny Boy》繼承傳統「漂流」類型故事嘅同時,又係如何轉向哲學同心靈嘅探討?以一場毫無意義嘅漂流為舞台,呢套動畫點樣去提出存在主義式嘅解答?一個猩猩打棒球嘅故事,點解會令四寶感受到一種殘酷嘅浪漫?最後最後,繼續漂 or not to 漂?That is the question。

    由於四寶實在太愛《Sonny Boy》,有太多嘢想講,所以《Sonny Boy》會分做上下兩集,下集主要會講佢嘅表現手法同音樂。大家記得留意我哋 IG 消息,唔好聽漏下集呀!

    Highlight:
    02:18 《Sonny Boy》基本背景
    04:42 「漂流」類型故事傳統
    13:23 《Sonny Boy》同傳統「漂流」類型故事嘅分歧
    14:48 存在主義探討
    23:13 講講吓漂流,無端端又關猩猩打棒球咩事?
    31:58 「漂流」隱喻:青春、成長
    35:46 繼續漂 or not to 漂?
    39:30 岸久二三事:演員竟潛伏在我身邊?!

    提及作品:

    《Sonny Boy》 (漂流少年) ,2021 (動畫)丹尼爾.笛福《魯賓遜漂流記》 (Robinson Crusoe) ,1719 (小說)朱爾.凡爾納《十五少年漂流記》 (Two Years' Vacation) ,1888 (小說)威廉.高汀《蒼蠅王》 (Lord of the Flies) ,1954 (小說)楳圖一雄《漂流教室》,1972-1974 (漫畫)


    參考資料:

    漂流少年 ( https://zh.wikipedia.org/zh-tw/漂流少年 )《漂流少年》— 因為活過,方顯燦爛 ( https://www.bilibili.com/read/cv13405994 )《漂流少年》監督 夏目真悟的訪談 ( https://forum.gamer.com.tw/C.php?bsn=71295&snA=68 )日本青春新番推薦:漂流少年 Sonny Boy,佐上落日飛車與 toe 配樂的超能力懸疑群像劇 ( https://hackazine-tw.com/sonny-boy/ )最好也最難懂的動畫——《漂流少年》 ( https://youtu.be/Pa76R3P8_1s )致力於打臉觀眾的《漂流少年》,到底想講什麼? ( https://www.xoer.cc/4248543 )十五少年漂流記 ( https://zh.wikipedia.org/zh-tw/十五少年漂流記 )漂流教室 ( https://zh.wikipedia.org/zh-tw/漂流教室 )蒼蠅王 ( https://zh.wikipedia.org/zh-tw/蝇王 )魯賓遜漂流記 ( https://zh.wikipedia.org/zh-tw/鲁滨逊漂流记 )


    ~

    鍾意嘅話可以畀個5星review,同埋記得follow我哋IG @9startart ( https://www.instagram.com/9startart/ ),多謝收聽,下集再見!



    Powered by Firstory Hosting
  • 唔想生活咁枯燥,想有啲新意思?今集講嘅呢本《7749:四十九個我試過/聽過/想過的創作練習》可能啱你!

    呢本書雖然叫「創作練習」,但作者周耀輝唔係諗住教大家成為出色嘅創作者,佢只係想引導讀者喺日常開拓想像,對生活嘅一切更加好奇。喺呢一集,Mola 揀咗部分練習同大家分享,有啲適合一個人嘗試,都有啲可以同朋友一齊參與,而裡面提及嘅藝術家都好值得大家認識㗎(例如四寶都欣賞嘅 Francis Alÿs!)。

    無論腦入面有幾多 idea,最緊要都係做!

    Highlight:
    00:58 《7749:四十九個我試過/聽過/想過的創作練習》簡介
    02:22 將一啲嘢掉轉次序噉做 (藝術家 Kamagurka 亂畫嘅人像畫竟然好似我哋識嘅人😱)
    06:20 自製 Summer Guests
    07:56 請一個小朋友係噉問自己問題 (ft. Mola 嗰個極有智慧嘅補習學生)
    11:55 同一條街建立關係嘅 5 個方法
    15:49 上網 search 自己個名,揾同你同名同姓嘅人 (Mola 個名係仙女網名?)
    21:03 助養你街區嘅一樣嘢——但唔好學四寶噉食咗佢
    21:44 揀一種食物,慢慢望住佢腐爛
    23:10 與世隔絕一段時間
    24:14 用顏色幫手機裡面嘅相分類
    24:52 每一日揀一篇自己覺得重要嘅新聞
    28:54 四寶收書嗰陣發現嘅《做》
    30:45 岸久二三事:「老撾上流寄生族」四寶

    提及書籍:

    周耀輝:《7749:四十九個我試過/聽過/想過的創作練習》漢斯·烏爾里希·奧布里斯特(Hans Ulrich Obrist)、胡昉編:《做》(do it)


    藝術家個人網站:

    Francis Alÿs:https://francisalys.com/Kamagurka:https://kamagurka.com/


    Reference:

    水限 __ 陸界: 邊境與遊戲 (https://www.taikwun.hk/zh/programme/detail/wet-feet-__-dry-feet-borders-and-games/669)PAK PARK (白雙全公園)|Local Art Project 01 (http://pakpark.blogspot.com/2007/04/waiting-for-all-people-sleep-27.html?m=1)大城誌|無針者與發霉蛋糕|無打針模特兒情侶開page記錄蛋糕腐爛 (https://youtu.be/Y-otklXKwko)


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • Netflix紀錄片《以神之名:信仰的背叛》播出後引嚟極大迴響,而裡面涉及嘅部分事件至今仍未結束。今次podcast 我哋會討論其中一個邪教──攝理教(JMS)。戴返個頭盔先,宗教嘅題目始終比較敏感同主觀,有好多都係我哋個人意見,想了解多啲嘅話,大家可以睇下更多相關嘅資料,亦都歡迎大家同我哋交流!

    Highlight:
    00:47 《以神之名:信仰的背叛》簡介
    03:37 攝理教專搵 170cm 以上嘅靚女傳教
    06:00 點解鄭明析可以成功侵犯信徒?
    14:32 鄭明析究竟有幾變態?😱
    23:51 攝理教 last 到咁耐嘅原因
    27:25 宗教討論大會開始——宗教係咩?係咪 a must?世界有冇創世主?等等等等
    37:38 四寶去見證會同班 friend wrrrrran~
    39:46 要點嘅神蹟先說服到我哋信神?
    43:24 點睇同時身為加害者同受害者嘅情況?加紀錄片拍攝倫理討論
    47:11 岸久二三事:Mola 泰國深山做泰山

    提及紀錄片:《以神之名:信仰的背叛》,2023 (https://www.netflix.com/title/81493078)

    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 不想禁文藝 1000 followers 找數大行動!

    好耐冇同大家傾偈喇~首先多謝大家踴躍提問,希望我哋回應到大家嘅問題啦。😇好耐冇錄podcast,我哋個個都串嘴 tone 🤣,大家唔好介意我哋咁真性情呀!

    希望大家繼續支持我哋!我哋如無意外會錄到退休 hahaha 🤣

    Highlight:
    00:57 牛與 cow hunt 的對話
    01:56 牛叫 ASMR
    02:36 店長嘅 dream job 原來係……
    03:11 書店之後有咩活動?
    04:09 岸久光榮結業了?!經營書店同錄 podcast 之辛酸與得著
    08:58 店主們的星座
    11:39 岸久有 haters ?!
    13:14 店主各人的大計
    14:55 牛牛的起源
    15:31 岸久三人組的相遇
    16:07 書店之奇人奇事
    16:30 外國生活 vs 香港生活
    18:36 我哋雖然係 CC,但我哋係 NA
    18:53 我哋三個係咪中文系識?
    19:13 店長維生嘅方法竟然係靠 XXX ???
    20:48 fatbutlazy 個 IG 去向
    21:00 店長今日拍咗好多次???
    21:40 有關店長寫作嘅問題
    22:30 請停止打店長嘅主意!!!
    22:50 最近推薦書單
    24:32 中意食牛油果嗎?
    25:08 岸久二三事:四寶 & Mola ——旅遊帶來岸久事~

    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 講到非物質文化遺產,大家可能會諗起一啲傳統節慶嘅儀式,其實好多日常生活中會接觸到嘅嘢都可能係非遺嚟㗎!

    唔知大家平時會唔會特別留意街上嘅老店?好多歷史悠久嘅小店未必好顯眼,甚至我哋去嘅時候都冇諗過佢會有咩特別嘅文化價值。喺呢一集,Mola揀咗幾個林曉敏《香港遺美——香港老店記錄》入面提及過嘅老店同大家分享,衣食住行都有。想知道呢啲舖頭有咩特別,又面臨啲咩危機,就要聽呢一集啦!

    (對唔住呀,今集嘅音質都係有啲問題,因為係好耐之前錄定,嗰時都未知原來有啲技術問題,所以而家已經 solve 唔到 😭,希望聽眾們見諒 🙇‍♂️🙇‍♂️🙇‍♂️)

    Highlight:
    02:08 介紹林曉敏《香港遺美——香港老店記錄》
    03:48 衣:上海僑冠理髮店——好型嘅 72 刀半
    08:58 食:東莞佬涼茶——當年嘅「瘦」仔水
    10:10 四寶同 Lulu 嘅中學回憶:有撈麵食嘅神奇涼茶舖
    13:51 住:林記鐵網——鐵漢為何自投羅網
    16:11 住:梁老易報稅攤檔——除咗報稅仲幫人締結良緣
    19:40 娛樂:金發麻雀——保育嘅兩難
    35:48 其他同香港老店、文化有關嘅書 / IG accounts
    37:31 岸久二三事:90歲美魔女秘密 ㊙︎ (絕對唔係賣廣告!!)

    提及書籍:

    林曉敏《香港遺美——香港老店記錄》黃慶雄《香港老美:老香港的美學印記》馬基諾 / 詹穎宜 / 陳容笙 / 黃文晉 / 李佳玻《香港老舖記錄冊》


    相關連結

    四方城 THE SQUARE CITY - 「第九屆動畫支援計劃」The 9th Animation Support Program (https://youtu.be/9hl26dV45Zo)香港老舖記錄冊 @hongkonghistoricalshops (https://www.instagram.com/hongkonghistoricalshops/)街影 —— 記錄我們的香港 @vanishing.hongkong (https://www.instagram.com/vanishing.hongkong/)


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 講起香港文學,你知唔知除咗用中文寫作嘅作家,仲有一班用英文寫作而又同樣出色嘅人?今集嘅主角被稱「文學界導火線」、「邪牌詩人」,聽個名已經唔簡單——佢就係黃裕邦 Nicholas Wong 喇!

    究竟黃裕邦係點樣玩斷裂、玩聲音、玩英文同中文,寫出 Crevasse 呢本咁有玩味嘅詩集,為四寶打開新世界大門?而將佢譯做中文譯本《天裂》嘅徐晞文,又用咗點嘅處理手法去譯呢本語言咁特別嘅詩集?想睇返今集提及嘅詩作可以去我哋嘅 IG @9startart ~

    希望呢集可以吸引大家發掘多啲唔係用中文寫作嘅香港文學啦!💪💪

    (對唔住呀,今集我哋又係分開錄音,但因為啲技術問題導致 Lulu 把聲唔係咁清晰同埋有啲雜音,希望大家見諒啦 🙇‍♂️ 我哋以後會更加注意㗎喇!)

    Highlight:
    01:17 介紹黃裕邦背景
    04:28 做問米都好過做英文詩人?
    06:12 介紹詩集 Crevasse /《天裂》
    09:03 〈因此,幸福即幸運〉:A詩 + B詩 = C詩 = 一首奇詩
    21:46 〈觀星〉:與 chin chin 一同對抗資本主義
    24:40 〈無法言說〉:喂 Siri,同我一齊編返部辭典
    30:41 〈雙非(等待作者校稿)〉:「在瘀言和赤字之間」
    43:13 岸久二三事:Mola 仆親險變求婚 & Lulu 搭巴士驚變人肉坐墊

    提及詩集:

    Cities of Sameness (2012)Crevasse (2015)《天裂》(2018)Besiege Me (2021)


    參考資料:

    食色性,還有一個抱抱:專訪香港詩人黃裕邦 ( https://www.biosmonthly.com/article/9773 )捕獲外星詩人1》詩是宇宙中孤獨的探偵器:訪詩人黃裕邦與陳昭淵 ( https://www.openbook.org.tw/article/p-21450 )黃裕邦(Nicholas Wong):我的詩就像香港一樣擁擠 ( https://www.esquire.tw/tab/524/id/28224 )Hong Kong Poet Nicholas Wong on His New Collection ‘Crevasse.’ ( https://www.timeout.com/hong-kong/lgbt/hong-kong-poet-nicholas-wong-on-his-new-collection-Crevasse )Nicholas Wong talks love, the body, desire, and post-colonialism. ( https://www.asymptotejournal.com/blog/2016/09/26/nicholas-wongtalks-love-the-body-desire-and-post-colonialism/ )


    其他相關 link:
    【黃裕邦x鄧小樺:世界將我包圍︳黃裕邦《Besiege Me》|無定向會客室@已讀不回# 56】 ( https://www.youtube.com/watch?v=FY_NbuBUOnM )

    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 你覺得詩係啲咩呢?今集介紹嘅呢位台灣詩人陳昭淵,每次出詩集,都係嘗試回答「詩係咩」嘅呢個問題。大學主修複媒裝置同雕塑,而家從事平面設計,仲要識得作曲填詞,噉嘅背景令佢每一個創作project,都唔淨止停留喺文字層面,而係好似水嘅三態循環噉,畀詩意流轉於展覽、影像、音樂等等嘅不同媒介之間。

    今集,一於同我哋一齊上太空下深海,喺一片濃霧入面大啖小鮮肉,同詩意嚟一次第四類接觸~

    Highlight:
    02:10 介紹陳昭淵背景
    05:26 《對折再對折》同《3D透視》:超得意嘅閱讀設計
    09:28 《霧散不開》 ft. 腦霧散不開嘅我哋
    16:15 《小鮮肉》:雪住仲係小鮮肉嘅自己
    17:28 《宇宙通信》:化詩意為宇宙探測器
    23:52 《不明飛行物》:差啲變成兒童才藝表演嘅新書發表會
    30:47 《深海作業》:需要光明先睇到嘅詩集
    32:29 總結:轉化嘅詩意
    35:48 陳先生,你就係四寶嘅讀品
    36:28 岸久二三事:魚腎之謎 & 醫水母 & 去朋友婚禮好感動

    提及詩集/Zine:

    《對折再對折》,2011《3D透視》,2013《小鮮肉》,2015《霧散不開》,2014《宇宙通信》,2018《不明飛行物》,2019《深海作業》,2020


    有關嘅 Link:

    陳昭淵 IG: https://www.instagram.com/chaoyuan.space/陳昭淵 FB: https://www.facebook.com/chaoyuan陳昭淵個人網站: https://www.chaoyuanspace.com/專輯《雲之產物》: http://goo.gl/U2ABYH詩集《不明飛行物》(網路版): https://www.chaoyuanspace.com/book → 解謎去



    其他參考資料:

    【藝文講座】105.10.05 陳昭淵-《日常光影的緩慢寫作》(https://cge.kmu.edu.tw/index.php/zh-TW/important-news/93-藝文資訊/藝文活動資訊/藝文講座資訊/藝文講座資訊-105年/1010-【藝文講座】105-10-05-陳昭淵-《日常光影的緩慢寫作》)陳昭淵、楚影、追奇對談|I’d Rather Be Hated for Who I Am(https://www.unitas.me/?p=3800)出一本書創造分身 陳昭淵乘著詩意的翅膀旅行(https://www.cna.com.tw/culture/article/20210620w003)20151024 新詩維度系列講座/德尉+陳昭淵〈寫詩是美麗的任性〉 (https://www.youtube.com/watch?v=T7M4bRGqSJw)創作全才 陳昭淵新詩海報《小鮮肉》新鮮上市(https://blow.streetvoice.com/12521/)《讀力公民課》出版篇:外表很重要!一眼就愛上的裝幀設計|個人出版者 陳昭淵(https://youtu.be/6rhSRLAUEm0)捕獲外星詩人1》詩是宇宙中孤獨的探偵器:訪詩人黃裕邦與陳昭淵(https://www.openbook.org.tw/article/p-21450)捕獲外星詩人2》地球人是一種很好色的生物啊!(https://www.openbook.org.tw/article/p-21451)【閱閱遇事】聽陳昭淵談不同領域的創作!寫詩、寫詞、平面設計,他的靈感是什麼呢? feat.陳昭淵(https://youtu.be/PPAFa8B4-Q0)【閱閱遇事】內有貓片!跨域創作者陳昭淵,都在浴室做什麼呢?|閱閱遇事feat. 陳昭淵(https://youtu.be/YU8QGWlKrhY)


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 人生就係一份有 N 題 MC 題嘅試卷,點樣去做選擇會直接影響你當日嘅心情,影響你作下一個選擇,甚至影響你之後嘅人生。擺脫認知偏誤唔會直接令你嘅人生即刻變好,但可以畀個機會你了解自己更多,有更強嘅心理素質去面對自己嘅人生。

    今集介紹嘅書《直覺陷阱》裡面,每個心理學概念都搭配日常生活例子去解釋,輕鬆易讀而且一啲都唔悶,睇完話我知你最鍾意邊一篇!

    另外,因為我哋有成員要遠行,錄音方面比較困難,今集打後嘅更新頻率會變成3個禮拜一集,直至另行通知,大家掛住我哋就惟有聽返以前啲集數喇!🥲

    Highlight:
    00:50 《直覺陷阱》簡介
    02:56 參考點效應——新娘搵伴娘嘅秘密㊙️
    06:04 「有為者亦若是」效應——過度看輕人哋嘅成功
    10:06 沉沒成本謬誤——要識得止蝕離場
    13:18 IKEA效應——小學雞 Mola 借筆辛酸回憶
    19:14 框架效應
    23:02 灰姑娘效應
    25:23 布里丹毛驢效應
    30:27 岸久二三事:為咗錄音條頸可以去到幾盡+四寶爛 gag(唔好意思四寶記錯,鬧 fans 然後令啲 fans 更興奮嘅係釘宮理惠,唔係花澤香菜)

    提及書籍:高登第《直覺陷阱:擺脫認知偏誤,擁有理性又感性的30個超強心理素質》

    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 唔知大家聽歌嘅時候會唔會留意歌詞呢?有人覺得歌詞要傳意之餘,文字要靚,都有人覺得有 feel 就得,唔使理咁多💃🏻。

    今集,Mola 揀咗幾首由周耀輝填詞而有關性別、身體嘅歌同大家分享🎵,唔知大家係咪首首都聽過,入面又有冇你哋嘅心水?比起抽絲剝繭咁分析歌詞,呢集更加多時間係同大家感受成首歌嘅氛圍,同埋討論一啲性別話題。想知歌詞對我哋三個嚟講係啲咩,就要聽呢集 podcast 啦!

    由於時間關係,加上Mola錄音當日好似有真.腦霧🤯,所以有啲重點可能未詳細深入地講到,例如周耀輝嘅用字特點,旋律、節奏嘅分析等,有機會再講啦,或者你有啲咩睇法都可以 comment 話俾我哋知!

    (唔好意思呀,今集忙到要邊食嘢邊錄音,搞到有啲食嘢 ASMR 襯底噉 QAQ)

    Highlight:
    04:48 你可以唔用形容詞去講一首歌嗎?
    06:12 周耀輝幫 Ultrapink 填嘅詞:情欲 vs 宗教
    08:25 用歌嚟演譯一段愛情故事:麥浚龍「Evil Is a Point of View」
    17:34 精子同卵子對話嘅歌?!
    23:22 藍奕邦 - Cocktail:溝下溝下嘅多元性
    27:00 歌詞對一首歌嚟講係咩?
    30:44 Pen-Pineapple-Apple-Pen 同 Baby Shark 傳達緊啲咩?😂
    32:36 唱住林家謙嘅 doo doo doo 喺馬路馳騁
    33:37 岸久二三事:霧牛粉絲會終於有名—— Cow Hunt 👏👏

    提及歌曲:

    1. 盧凱彤 - 囂張2. Ultrapink - 同志3. 麥浚龍 - 呻吟4. 麥浚龍 - 如髮(feat. 盧凱彤)5. 麥浚龍、薛凱琪 - 結6. 麥浚龍 - 雌雄同體7. 藍奕邦 - Cocktail


    提及電影:

    Portrait of a Lady on Fire(浴火的少女畫像),2019蝴蝶,2004(改編自陳雪〈蝴蝶的記號〉)青蛇,1993


    參考資料:

    洛楓:《獨角獸的彳亍——周耀輝的音樂群像》,香港:匯智出版,2022年。Pinkwork™ Creative:〈顛覆「性」女子組合~超粉紅 Ultrapink, PINKWORK 小短片/ a subversive HK girl group!〉,https://youtu.be/I2_FNgVX174Butler, Judith. Gender Trouble: Feminism and the Subversion of Identity. New York:Routledge, 2006.Frith, Simon. Performing Rites: On the Value of Popular Music. Cumberland: HarvardUniversity Press, 1996.Barthes, Roland. "The Grain of the Voice" In Image-Music-Text. Translated by. Stephan Heath. New York: Hill and Wang, 1987.


    ~

    鍾意嘅話可以畀個5星review,同埋記得follow我哋IG @9startart (https://www.instagram.com/9startart/),多謝收聽,下集再見!



    Powered by Firstory Hosting
  • 百貨公司咩都有得賣,如果連夢都可以採購嘅話,唔知你會想買咩夢呢?小說嘅吸引之處就係可以帶我哋逃離現實世界,跳入另一個世界感受一下。呢本書嘅內容雖然好天馬行空,但有完整嘅世界觀同埋人物背景,唔怪得 Leanne 話唔捨得睇曬本書,要慢慢「品嘗」三日!

    歡迎光臨夢境百貨~大家可能喺特價區會搵到有關三位岸久店長嘅夢🤣,聽完呢集夢到我哋唔好同我哋講。🥱

    (其實今集應該叫發夢同書店岸久事吹水大會🤣)

    Highlight:
    00:38 嘉賓 Leanne 嘅自我介紹
    01:52 介紹《歡迎光臨夢境百貨》故事背景
    05:32 爆笑怪夢分享會
    12:32 時間之神與 Mola、Lulu、四寶呢三位徒弟
    21:21 點解 fresh grad 睇呢本書會咁有共鳴?
    31:05 四寶為你演譯 Jazz 版生日歌
    31:58 大家最想發咩夢?
    35:46 岸久二三事:Lulu 喺養和醫院 & Leanne 喺冰島醫院嘅見聞

    嘉賓 IG:
    KUMA 豆熊|七份一書店@集成中心
    @leanne.in.kuma ( https://www.instagram.com/leanne.in.kuma/ )

    提及書籍:李美芮《歡迎光臨夢境百貨:您所訂購的夢已銷售一空》

    ~

    鍾意嘅話可以畀個5星review,同埋記得follow我哋IG @9startart ( https://www.instagram.com/9startart/ ),多謝收聽,下集再見!



    Powered by Firstory Hosting